اهلين صبايا كيفكم و كيف الحمل معكم.انا اليوم كثير نقهرت من حماتي صار بيناتنا سوء تفاهم.انا حامل هلء بالشهر التاسع قربت خلف.حماتي ببيت هي ساكنة تحت و انا فوق ووقت شفتها اليوم كنا عم نحكي عالولادة و هيك و قالتلي انا رح فوت معك عغرفة الولادة و انتي عم تخلفي و رح صورك فيديو.انا قلتلها و الله يا مرت عمي انا بخجل و بدي اذا خلفت كون لحالي بتعرفي المراة بيطلع منها اشيا و ما بتكون وعيانة عحالها.انا من طبعي بخجل حتى من امي و الله.ما بقدر تفوت معي و تشوفني شالحة و هيك و تبعت فيديو لبناتها....قامت زعلت و صارت تعيط و صارت تقلي انا رح اطلع من حياتك و خلص ما رح روح معك للمشفى بقعد عالطريق احسنلي و لو بدي اخربلك بيتك و اعملك مشاكل كنت عملتن غصب عنك ما بعرف صارت تفوت الحكي ببعضو.انا سكتت و صرت عم اطلع و بس قلتلها لا تزعلي انا ما قلت شي قالت انا مش زعلانة و شو دخلني فيكي انتي ما بتهميني اصلا و كمان بعد ما تخلفي عملي كلشي لحالك ما دخلني فيكي.بنات قولولي انا عملت شي غلط؟انا بغربة ما الي حدا غير الله و زوجي و اهلو يلي تحت بس دايما امو بتزعل من كلشي و تعملي مشاكل بدون سبب و ابنها عطول بصفها حتى لو بكون انا صح😢😢😢😢
العضوة: 106300 , 8 years ago
يا بنات و الله زوجي زعل مني شو بدي اشرحلو.قلتلو انا بخجل و ما فيني حدا يفوت معي حتى امي بخجل منها انا ما قلت شي عيب بس ما عطاني وش ماني عرفانة شو سويالعضوة: 106300 , 8 years ago
تعبت من كل هالشغلات يلي عم تصير وبالي صار منشغل كثير بأي شي بدي سويه او اعملو لانها بتتحكم بحياتي ما صرت اقدر سوي شي مني لحالي او حس حالي كأني ست بيت غير اني اطبخ و نضف و اجلي مثل الخدامة غير هالشي ما عندي حق.حتى كل شغلة بشتريها بتدخل و تصير تحكي.بدي واجهو لزوجي بس شو بدي قلو بدي رأيكم لانو عطول بيجي بصفها ماني عرفانةالعضوة: 70329 , 8 years ago
انت ماغلطتي وماحكيتي شي بزعل.. قال تفوت وتصور فيديو كمان.!! لاحول ولاقوة الا بالله لاتزعلي حالك وتضري جنينك طنشيها واهتمي بالولادة والتحضيرات والله يقومك بالسلامةالعضوة: 106300 , 8 years ago
@user-70329 اي ما الها حق و نحنا مسلمين في تقدير و احترام.الله يهديها يا رب.شلون الوحدة بتتوجع و بين الموت و الحياة و الواحد قاعد عم يصور فيديو بدها تعمل مثل الغرب بس نحنا غيرالعضوة: 108356 , 8 years ago
اقول حماتك مو صاحيه خير تشوف عورتك يا دوب الدكتور وسمحتيلو تجي هي وبعد تصورك وبعين قويه كان وقفتيها عند حدها مو تجي تبكبك وتسوي انو الحق معها قسم لو منك ما اكلمها وسوي زعلانه عشان تتأدب .العضوة: 110464 , 8 years ago
ما غلطتي حبيبتي .. و شرعًا العورة المغلظة ما بيجوز تنكشف الا للضرورة القصوى و لأهل الاختصاص مش فرجة لمين ما كان .. ارفضي و قوليها بوجه زوجك المعزة بالقلب مش لازم تدخل معي لا هي و لا أنت كمان و مافيه إنسانا عاقل بيسمح لأحد يشوفه في وضع مخجل .. و ما بحلل لأحد يدخل معي و يصورني مين ما كان سواء أمي و إلا أمك .. و اذا رحتي المستشفى وصي الدكتورة انو ما احد يدخل معك .. ارفضي هذا من حقك .. ما يصير أحد ينزع حقك منك بالقوةالعضوة: 106300 , 8 years ago
@user-108356 اي حبيبتي و الله ما بقدر حتى اولد عراحتي و حدا عم يتفرج فيني و انا طالبة دكتورة منشان تولدني و خجلانة كمان.و صارت تقلي شو عاملة حالك خجلانة مني و حدك رح يكون مية واحد عم يتفرجو عليكي.انا قلتلها هي شغلتهم هدول دكاترة و رح شوفهم يوم واحد و بس مو مثل شخص عطول جنبي و شايفلي عورتي.بس و لا على بالها ما بتستحي ابدا عملتلي قصة الله يهديها.بس ما رح حكيها لانها جرحتني بالحكي و مو هي اول مرة.المشكلة هي زوجي بدي بس يفهمنيالعضوة: 106300 , 8 years ago
@user-110464 انا بعرف انها بدها تفوت معي مو محبة فيني او معزة في القلب.هي بدها تدخل منشان تصورتي و تصير تبعت الفيديو و تقول للكل انها وقفت جنبي و كانت معي.انا بفهم كلشي بس اعمل حالي ما بفهم منشان ما اوقع بمشكلة و مع هيك بصير بمشكلة اكبر و ما برد عليها احتراما لانها اكبر مني و امو لزوجي.انا لساتني متزوجة من تسع شهور و بدها تمشيني على كيفهاالعضوة: 110464 , 8 years ago
ما شاء الله عليك كويس إنك فاهمة لها .. فلا تستسلمين لها أبدًا .. طلبها غير منطقي و ما بيجوزالعضوة: 101154 , 8 years ago
اكيد ماغلطتي ..وماتسمحليها تفوت ولا تتدخل بحياتك وفهمي زوجك هالحكي..لا حول ولا قوة الا بالله..قال تفوووت وتصور فيديو كمان!! احكيلها خير ان شاء الله شايفتيني جمعيه مثلا!!! خليها زعلانه ولا تكلميها عشان تعرف انه هي الغلطانهالعضوة: 112785 , 8 years ago
صباح الورد الله يصبرك ويكون بعونك حبيبتي بس برأيي خليها تزعل ويزعل زوجك كمان حقك تكوني مرتاحه وانتي بأصعب اوقاتك اذا ما رضيوا هلأ بيرضوا بعدين المهم ما تصالحي حد منهن وخليكي على رأيكالعضوة: 109509 , 8 years ago
ماعليكي منها خليها تزعل من حد انتي ماغلطتي هذا شي من حقك وحتى شرعا مايجوز احد يشوف عورتك الا للضروره هذي عوره مغلظه مو تزعل مره تزعل خمسين مره صراحه الله يهديها ترفع الضغط خليها تدخل. مع بناتها اذا هي تبي تدخل وتشوف ولاده ودم وقرفالعضوة: 112785 , 8 years ago
كمان ما بتعرفي الفيديو وين ممكن يوصل وربنا أمرنا بالستر هي كيف بتفكر بدا تفرجي الناس مرت ابنها مكشوف العما على هيك تفكيرالعضوة: 74468 , 8 years ago
ما غلطتي ومن حقك ترفضي وغير هيك انت احكي للدكتورة ولطاقم المشفى ما يسمحولها تفوت اذا اصرت انها تفوت وهني ما رح يوافقو تفوت وبكيفها تقدر تزعل لكن ما تحككيلها انك قلتيلهن يمنعوها ، فيديو ما شاء الله 😂 وزعلانه يعني فوق انها غلط ومش من حقها بتزعلالعضوة: 103623 , 8 years ago
لا تدخل معك والموضوع قفليه خلاص لا تناقشينها ولا تناقشين زوجك خلاص عرفوا انك ماتبين واذا رحتي للمستشفى اشرطي انه ما احد يدخل معك واشرطي انك تبين دكتورة واذا جت ام زوجك خلي الممرضة تطلعها برى عندنا في عاداتنا ما يدخل على الي تولد الا الي تولدها يقولون تروح الملائكة الي تدعي لها وتتعسر ولادتها فما بالك بتصورك الله يكفيك شرها وانتي حرة بحياتك ما حد له دخل وانتي ان شاء الله مو بحاجتها كثير اجانب يولدون وما هم بحاجة احد وان كنتي خايفه تحتاجين مساعدة اكيد بيكون عندك احد تثقين فيه يجيك في بيتك