بنات انا تعبانة وايد تعبانة من زوجي ومن اهماله بالبيت مايقدر ولا يشوف التعب اللي اعاني منه رانا عندي ولد وقبل ثلاث ايام اجهضت باليوم اللي اجهضت فيه ورجعت من المستشفى راح عند ربعه وخلاني؟؟؟؟ كذا مره اكشخ والبس له واعاتبه يقولي انا ماطلبت منك تكشخين لي ولا طلبت منك تلبسين قتله ماتعرف تحب انت يقول منو قال انا ابي احب انا ماحب الحب ابي اعيش بهدوء ونربي ولدنا بهدوء سوالف الدلع والتفاهه مابيها!! قتله ماتبيني اكشخ ولا تبي تحب ليش متزوجني توني صغيره عمري 26 وانت 39 ليش تظلمني معاك وليش انا اظلم نفسي وانا من حقي اعيش قتله خنتطلق ولا ادوس على نفسي وانا بقمة التعب وما القى التقدير اشيل البيت على راسي ماعندي خدامه واجابل ولدي وانا سعيده بهالشيء لان اسويه بحب واحب ريلي بس اتمنى عالاقل كلمة مشكوره يزاك الله خير مافي ويوم اقوله لازم تساعدني تغسل عالاقل الصحون يقول هذا مو شغلي قلت له عيل شغل منو. منو المفروض يشتغل بالبيت يعني قصدك انا الخدامه انا اللي اشتغل... سكت. بنات صحيح انا قلت له مابي خدامه بس انا اشوف ماعندي شغل قوي بالبيت وبيتنا صغير على قدنا بس اهماله له وعقب كلمة مو شغلي اظطريت اقوله دور لي احد يساعدني ... امس رجع من الدوام تعبان ومشكله انا لي ثالث يوم مجهضه قلت له اهمزك وهمزته ودلكته وراح نام ولما اقوله ليش ما تسوي نفس الشيء يقولي انتي ماتطلبين اذا طلبتي بسويه قلت له الحب تعطيني الحلول قبل لا اطلب منك مو تبيني اذكرك واطلب منك تسوي شالفايده بنات انا محتاره اتطلق ولا لا تعبت من هالعيشه تعبت اشوف الكل سعيد ومرتاح الا انا والله ما غلطت بشيء بحياتي ولا اذيت احد ماعندي صديقات ماعندي احد راسي براس ولدي عمره 8 شهور اجابله يومياً ولا اتكلم بالتلفون ولا شيء واذا طلعت لساني يهلل مايسكت ادعي لكل اللي حولي وعيني تدمع وبقلبي غصه ليش انحرم من مسكة الايد ليش انحرم من الكلام الحلو ليش انحرم من الحب ليش انحرم من هذا كله اذا الله قاسم لي هذي العيشه اللهم لا اعتراض بس الدعاء يرد القضاء ادعولي يا بنات والله مالي احد غيركم سجلت في هذا المنتدى لانكم انتوا جيشي الوحيد بعد الله ادعولي الله يخليكم