العضوة: 137028 , 8 years ago

اختي من ابوي نفست ببيتها عشان امها كبيره وماتقدر تقوم فيها وقالت لنا بجيب خدامه وبعد مازرتها بنفساها تقول كلهم غاليات وماقدرت اجيب ولاقالت لاحد ابد على ان ولدها يدرس يقدر يساعدها باللي تبيه بس تقول توووووهقت تعبت بنفاااسي بقووه ندمت انها نفست ببيتها 💔 على الاقل ام زوجك تطبخ لك اول اسبوعين وتضبطك لحد ماتقومين على حيلك وتقدرين تسنعين نفسك وبنتك خليها تروح عند ام زوجك طول اليوم منها تلهى عنك انتي والصغير ومنها تقدرين ترتاحين شوي عشان صعب عليك بنتك صغيره وماتقدري تسوين لها شي خصوصا اول اسبوع الله يهون عليك حملك وولادتك يارب

العضوة: 133695 , 8 years ago

نفس الوضع انا جبت شغاله على اساس اولد في بيتي خلص شهر الشغاله وانا ماولدت وزوجي رافض يجيب لي شغاله شهر ثاني وغير كذا عندي ولدين في المدارس كوايه ومذاكره وغسيل ملابس وووووو مو عارفه كيف اصرف عمري والمكان اللي ساكنه فيه بتكون زيارات وقت نفاسي يعني حريم داخلين طالعين كيف بيكون استقبالي لهم الله اعلم مخلياها على رب العالمين يسهلها ويسهل ولادتي

العضوة: 139744 , 8 years ago

ماشاءالله ام زوجي ما فكرت فيني 💔

العضوة: 142931 , 8 years ago

مثلي امي ماتقدر تجيني وانا ساكنة فوق اهل زوجي وعندي ولد وشااايلة هم مررره بس اللي سويته للحين ممكن يساعدك انا باخذ شغالة خالتي كل يوم تجي تخلص شغل البيت كذا بعد المغرب لان بعد المغرب خالتي ماتحتاجها وبعطيها حقها عشان لاتكتئب ولا تحس اننا ضغطنا عليها وبالنسبة للاكل اشتريت لي تمر كمية وعجنته مع " يانسون ، حبة سوداء ، حب رشاد " وكورته و وزعته في علب وفي علبة سويت قزاز سويت خلطة قشر وعلبة ثانية حاطه فيها حلبة مطحونة و علبة صغيرة حاطة فيها فلفل اسود . يصير ان شاء الله اذا صحيت من النوم اخذ لي من التمر المعجون واسوي لي حليب معه فلفل اسود واسوي لي ترمس قشر قهوة يكون معي اتقهوى عليه لين يخلص الغداء اتفقت انا وزوجي يتغداء هو ولدي عند اهله كل يوم وانا بسوي لي سلطة اول اسبوع بطلب خالتي بس لين اصير اقوى اقوم وأتحرك وبعدها انا اصير اسوي بنفسي والعشاء زبادي مع خبز اسمر او اذا حابة زوجك يجيب لك من برى ( هذا بالنسبة لشغل البيت والاكل )

العضوة: 142931 , 8 years ago

بالنسبة للاهتمام بالصغار انا ولدي كبير شوي عمره ٥ فيفرق عن بنتك بس جهزي لبنتك من الحين ملابس طلعات مكوية وجاهزة وملابس بيت حق اسبوع وزيادة وخليها جاهزة يصير ابوها يلبسها ويجهزها وكل يوم ياخذها ساعة ساعتين برا البيت تغير جو وتطلع طاقتها ويرجع عند امه شوي عشان ترتاحين شوي والبنت تنشغل عنك وماتطلبك تقومين وتروحين وتجين معاها الترويش ابوها كمان لازم يتحمل الاكل الصبح سوي لها كورن فليكس او بيض مسلوق شي سريع والغداء والعشاء مع ابوها وبالنسبة لك والبيبي جهزي أغراضك في سلة وحطيها في الحمام اذا حمامة مايمسك رطوبة سلة حطي فيها ( المطهر والمراهم والفوط ومناديل التجفيف وفرشة لشعرك عشان اذا قمتي من النوم ترتبين نفسك على طول ) وعند السرير اذا بترضعين صناعي جيبي ترمس موية وحطي فيه موية مغلية وجهزي لك ٤ رضعات صغار وحطي الحليب في قسامات الحليب وخليها جاهزه بس تحطين الحليب والموية وتكون جاهزة وقبل تنامين سوي يانسون وحطي كمان في ترمس للبيبي عشان اذا تمغص ولا شي وبعد عند السرير حطي بربتوزات ومناديل تنظيف البيبي ولفات في سلة عشان تصير سهله توصلين لها

العضوة: 142931 , 8 years ago

@user-133695 اعتذري من الحريم قولي تعبانة وحددي يوم مثلا اليوم ٢٤ قولي لهم بسوي استقبال اشوفه افضل تكونين ارتحتي ويجون مره وحده حوسة مره وحده وخلاص اختي بنفاسها ببنتها الثانية كذا سوت وارتاحت وانا بسوي كذا ان شاء الله ماراح استقبل احد لين اكمل شهر واسوي استقبال مره وحده أريح لي

العضوة: 136027 , 8 years ago

انا نفست في بيتي ولا شغاله ولاشي ووالد عمليه والحمد الله ما صار لي الا عافيه ربي امهاتنا قبل تولد وعندها اعيال وطبخ والبيت فوق راسهم وماضرهم شي الحمد الله

العضوة: 128507 , 8 years ago

ادويتك من تدخلين اول يوم بالتاسع اخلطيها وضبطيها وحطيها بعلب ورتبي سرير نفاسك وحطي الادوية حولك اما الاكل اول اسبوعين حاولي تجيبين من المطاعم الشعبيه مرقوق وكذا وبعدها حاول تفرزنين الاكلات اللي تتفرزن وهي مفيده لنفاس والله يساعدك ويقومك بالسلامه

العضوة: 133695 , 8 years ago

@user-142931 والله الود ودي في حريم كبار في السن يفهمو غلط انو ما نبيهم المكان اللي انا فيه مجتمع صغير والكل يعرف بعض فيه

العضوة: 134706 , 8 years ago

والله انا اطفالي الثلاثه اتنفس عند امي الله يخليها لي ويطولي بعمرها بس هذا الرابع مو عارفه وش وضعي معه احتمال اني اتنفس ببيتي لانه زواج اخوي بنفس شهري🤦🏻‍♀️ فامثلك محتاره وخايفه خاصه احتمال القيصري وارد كثير وعندي عيالي ٩/٧/٥يعني كبار قمت الازعاج وخدامتي تعل القلب🙄❤️الله يسهلها يارب

العضوة: 134989 , 8 years ago

@user-135996 خليها على ربك انا قبل اربع سنه نفست ببيتي وعندي اثنين صغار من غير المولود وربك ساعدني الحمدلله مشت الأمور وكان زوجي يساعدني بالبيت وكان يأخذ الصغار عني وينومهم ومشت الأيام اهم شي راحتك وبيت الوحدة والله أريح لها والحين جهزت كل شي احتاجه ومابقى الا الولاده ان شاءالله

العضوة: 160991 , 8 years ago

حبيبتي. خليها. على الله. هو. اكون. معنا. انا. ماما. ميته. وفي. ولادتي. الولى. ولدت. عند. اهلي. بس. مرات. ابي. سببت. لي. مشاكل. وهد المرة. نولد في. بيتي. وربنا. معي.