اليوم بحول الله وقوته والحمدلله بطلع من الحجر الصحي الي قعدت فيه 18 يوم .. ال18 يوم هذي ماعدت بكل سهوله ؟ ذقت فيها الحلو والمر .. تعلمت منها اشياء واجده واهمها الصبر واني ما ايأس من رحمة الله والي كاتبه لي ، من اول يوم ابتدا كان في تاريخ 29/8 حولوني لمستشفى ميداني وقعدت لوحدي وانا انسانه نهائي ماحب اقعد لوحدي .. وكلشي تغير علي احاول اصبر نفسي بشتى الطرق .. استغفر اسبح اقرا قران كل هذا ساعدني بس الخوف والتوتر الي داخل قلبي كان اقوا من كلشي .. نضبات قلبي ماكانت تهدا صبح وليل والنوم والله ما انام والاكل ما اتغذا زين من كثرة التفكير يابنات خصوصاً اذا كنت فاحصه وانتظر النتيجه كلي انتظار بس وادعي واستغفر وكانت كل مره تطلع ايجابيه ولا تسع مرات فحصت والحمدلله على كل حال .. جلست اسبوع بالضبط وانتقلت بعدين عند زوجي بتيسير من ربي في فندق وهو مصاب نفسي ، ومرت 12 يوم بشكل ماتتخيلونه .. انا بكوني حامل 🤰🏻 تأخرت بالشفاء نوعاً ما مقارنةً بـ زوجي تشافى قبلي ب 10 ايام ومع هذا ربي يسرها وتمينا مع بعض .. العبره والنصيحه من القصه يابنات لا تفقدون الامل بالله ابداً والله اكلمكم والعبره في حلقي من الي مريت فيه وتعلمت منه .. استغفرو وكثرو صلاه على النبي وقول لا حولا ولا قوة الا بالله وقيام الليل وصلاة الضحى والسنن والنوافل الي قال فيها ربي " ولا زال عبدي يتقرب الي بالنوافل حتى احبه " سبحانه وتعالى ما اكرمه .. كنت اكثر شي ماكله همه هو اني اولد وانا فالحجر ويوخذون طفلي مني خصوصاً انه اول طفل لي وتروح فرحتي فيه ومحد جمبي يواسيني وقت الولاده بس الله ثم الله ثم الله ثم ثقتي فيه وقراءة سورة البقره يومياً كامله وختمها والله تيسر وتسهل كلشي والله يابنات لا تفقدون الامل الله كريم الله رحيم .. اياً كان همكم وضيقكم قومو الليل وادعو الله بكل ثقه انه يسمعكم ويجيب دعوتكم وبدون اليأس ابداً والله بيحلها وبيفرجها ولا تخافون ابداً اذا حوامل وجاكم الوباء والله مره بسيط ولا فيه اي عناء ولله الحمد بس نوعاً ما العالم كبرها وهي بسيطه وتنفرج ، للعلم اني فالشهر التاسع في اخر الايام وشكراً لكل من قرأت رسالتي والله يسعدكم ويبعد عنكم كل ضيق وهم .