السلام عليكم كيفكم كروشات ؟؟ وكيف الحمل معاكم ؟ الله يسهل علينا يارب ونقوم بالسلامه 💕 الموضوع واضح من عنوانه حابه اعرف وش نظامكم وقت النفاس من نظام اكل وشرب ورياضه وعناية بالبشره 😻 انا راح ابدا معاكم بنظامي :- اول عشرين يوم راح استخدم " الرشاد " له طريقتين تاخذين براس الملعقه وتشربين وراه مويه مباشره والطريقه الثاني تاكلينه مع تمر " ينظف الرحم من الاوساخ ويضيق المنطقه ويقويها " واخر عشرين يوم ناويه اشرب حلبه مغليه في مويه تصفي البشره والجسم وممتازه جداً لادرار الحليب اما قشر القهوه جدددا ممتاز يرجع البطن ويشيل الكرش بس لازم يومياً لمدة ٤٠ يوم وراح تشوفين بطنك اختفى 😻 وبرضو ع الفطور حلو تاخذين حليب مع ملعقه صغيره فلفل ابيض " اللي عندها قولون الافضل تبتعد عنه " امممم وكمان ناويه اشتري اليومين هذي مشد لبطني ان شاءالله واذا ولدت طبيعي راح البسه من ثاني يوم 👍🏻 راح ابتعد عن النشويات والحلويات واركز ع البروتين والفواكه والخضار لاني محتاجه انزل وزني الفتره هذي وحلو تسوين مرق لحم او دجاج يومياً تساعد ع تقوية العظام بالنسبه للبشره والجسم :- حمام مفربي جهزت خلطه اسمها الصابونيه جددددا جميله تحصلونها بالقوقل وارطب بزيت اللوز المُر مره حلو يوحد اللون وينعم الجسم وبس هذا اللي للحين افكر اسوي 🙊♥️ مع العلم اني بكريه بس الشغلات هذي اختي وامي يسونها كل نفاس ماشاءالله وتطلع الوحده من النفاس امورها زي العسل ♥️