هلاو بنات اكتب اليوم ولادتي الي نشلع كلبي بيهاا طبعآ البنات يعرفون بلكروب انو تأخرت ولادتي وم عندي توسع ولاطلق الى ان دخلت الشهر العاشر، ف يومين بلعاشر كالت الدكتوره اخذي دوبلر خلي نشوف ليش م صار عندج ولاده ف اني من رجعت من الدكتوره نضفت البيت وعزلت غرفتي تعبت وضلييت م نمت لحد الساعه2 بليل كعدت الصبح ع الم الساعه9 الصبح وضليت امشي واصعد وانزل درج الى ان زاد الم رحت للمستشفى الساعه ب 1 الضهر دخلت وفحصتني كالت عندج ولاده وطكتلي مي الراس وخلتلي مغذي وهناا بدت المعانات ضليت اكل بنفسي من الم وكلساع تجي تفحصني واشوف نبض الطفل واني اكلهاا شبي الطفل وم تكلي شي طلع تعبان حيل بي ماي اخضر واني ضاله نايمه ع الجربايه والمغذي بيدي وزوجي وعيالي يتفقون وي الدكتوره ع عمليتي لان كالو الطفل بخطر واني م ادري بشي كلما اسألهم يكولون زين ابنج المهم اخذوني لغرفه لعمليات واني اكلهم وين رايحين كالو عمليه وخفت لان عندي الم وصعدوني الجربايه واجه الدكتور يريد يبنجني ودخلت الدكتوره مالتي بفضل دعاء 🤲 الاهل وعائكم والله دخلت معجزه علي كالت هاي انتي هدى كلتلهم بلا خلي اشوفهاا فحصتني وكالت ماما راس طفلج مبين وانتي واصله بس ساعديني حدج خمس دقايق لو تخسرين ابنج واجيبين عمليه كتله ي وضليت انادي علي ابو الحسن وادفع وهيه تشجعني لحد م طلع كيوني يعني جيبتني بصالة العمليات وتالي نزلوني لى تنضيف وللخياط وهناا تعذبت عذاب تخيط ويطك من اللتهابات انصح كل وحدة عدها التهابات تعالج قبل الولاده والحمد الله طلعوني من المستشفى بدون عمليه احمد ربي واشكره ع هاي النعمه وشفت ابني بخير بعد م جانت حياته بخطر ولو طولت عليكم بس هاي قصتي 🥰🥰