الحمدلله انا ولدت بالسلامه صحيح تعبت كثير وقت اولد بس الحمدلله احكيلكم عن تجربتي مع الولاده كنت خايفه كثير ومرعوبه من فكرت اني اولد طبيعي كنت ما متخيله كيف اسويها ويطلع مني بيبي سبحانك ربي المهم ما اطول عليكم انا كان عندي سكري حمل واستنت علي الدكتوره لين خلصت ٤٠ اسبوع ونومتني عشان تعطيني طلق صناعي لما رحتلها شافت الرحم مفتوح ١ سانتي وبدت تعطيني التحاميل الي هي الطلق الصناعي من تحت بعد ٦ ساعات شيكت لقته نفس الشي وعطتني الجرعه الثانيه وثاني يوم شيكت لقته مفتوح نص عطتني الجرعه الثالثه وقالت تنتظر علي٢٤ ساعه اذا ما فتح ترجع مره تعطيني وقالتلهم ينزلوني الصبح الساعه٦ ونص غرفة الولاده عشان يفتحولي الماي المهم نزلت لقوه مفتوح٣ تقريباً وفتحو الماي شوي شوي يطلع وشيكو لقوه فتح شويه بس وبدا يعطوني الطلق عن طريق الوريد 😩😩(هذه اصعب مرحله) المهم زاد عندي الطلق شوووويه وراحو زادولي الجرعه بدل٦-١٢ وكل شويه يزيد والالم يزيد فالظهر يجيني ما جاني فالبطن الم خفييف كله فالظهر كانه بينكسر وبعدين شربوني ماي زعفران مقراي عليه مع عسل وفتحلي بسرعه ماشالله الرحم وقالو خلاص البيبي بيطلع واتصلو فالدكتوره وجت بسرعه والبيبي طلع وااحمدلله الساعه ٤ يعني تقريباً ١٠ ساعات انا اولد 😅 غير اليومين الي كنت متنوماهم فالمستشفى وبعدها احلى شعور عطوني بنتي ارضعها 😢😍 وبس سامحوني طولت عليكم بس يمكن حد يستفيد من تجربتي