العضوة: 137067 , 8 years ago

امس رحت للدكتوره وسألتها عن هالموضوع قالت هذا اكبر كذبه سووها الغرب وحملات وحوسه لمدة سنتين وتقول اللحين تركوها ورجعو يشقون تقول اساسا لو ماشقينا بينشق المهبل من جميع الجهات فهذا الشق رحمه والشق بسيط مره وكم غرزه احسن من انه ينشق من جميع الجهات

العضوة: 147872 , 8 years ago

@user-137067 انا شفت مقاطع باليوتيوب الي ولدو بدون شق احس المنطقه ارجعت لوضعها من لحظتها عكس الي قصو لهم

العضوة: 107337 , 8 years ago

@user-145052 اسم المستشفى ابها العام طبعا هنا في مدينة ابها موجود وهو حكومي مره يجنن فكل شي تعامل الاهتمام ماشالله اما بنسبة لاسم دكتورة والله ما ادري عن اسمها بس اذا لقيت اسمها اقلك عليه ابنسبة للعجان هيا تخيرك مبين انها هيا الي تزيد او انه ينشق لحاله اثناء الولادة اطبعا بعدها الخياطة درورية يرجعونك زي مكنتي قبل الحمل ادكتورة ماشالله من شكلها باين عليها صغيرة في عمر ٢٤ او ٢٥ سنه اهيا لحالها الي ولدتني بدون مساعدة حد اطبعا بعد الخياطة دخل اصابعها جوى عشان تشوف اذا في شق دخلي او لا اكمان اجاتني قابلة بعد الخياطة لما خلاص ينقلوني الغرفة تانية فحصتني من تحت الوزن الحرارة ابس يعمري الالم بس الم الولادة اما الخياطة الحمدالله بعد نص ساعة من دفش لولادة ولدت الحمدالله عقبال كل متبقي

العضوة: 106338 , 8 years ago

@user-137067 ماعندها سالفه الدكتوره هذي والغرب لاحين يولدون بدون شق يعني جداتنا زمان وامهاتنا متشققين من كل مكان؟؟؟ اول شي اسألي نفسك مين اخترع سالفة القص زمان م كان فيه شي اسمه قص اخترعوا هذا الشي عشان يدخلوا ملقط يسحبون فيه الجنين وصارت موضه مع الايام الكل صار يقص بدون اثبات على فائدة هذا الشي والشق اللي يحدث من البيبي وقت الخروج يحدث في المناطق الاضعف تمزقات بسبطه ترجع من نفسها او ممكن تختاج غرزه او ثنتين عكس القص حق الدكاتره يقصوا بشكل مستقيم الاورد مع العضلات مع كل شي وهذا يسبب نزيف غير تعب الغرز بعدين تكون كثيره ونقطه اخيره الدكتور مايخيط الا الشي اللي هو قصه يعني مسألة ترجعين زي قبل الولاده هذا يعتمد على اهتمامك سوا ولدتي بقص او بدون قص

العضوة: 106338 , 8 years ago

@user-147872 لا عادي بس ابدي مشي على نهاية الثامن على خفيف بعدين على التاسع اطلعي درج وسوي القرفصاء وغيره وتمارين كيجيل تقدرين تسوينها من الحين لين وقت الولاده عادي ولا تنسين زيت الزيتون تدهنين فيه

العضوة: 135245 , 8 years ago

راح يصير مهبلك مشوه و بشع و الفتحه تكبر بزياده وتترهل ، الحملات ذي موجوده بأمريكا يدعمون الولاده الطبيعيه تماماً بس لانهم مايهتمون بموضوع الخراب اسفل و اذا هي افضل ليش تشوه فتحة المهبل ؟ كل خواتي وقريباتي قصوا لهم و رجعت كل وحده فيهم بنت بنوت غير انها اسهل ف الولاده و انظف من شق الطفل بنفسه وماتتشوهين من تحت ! واذا ع الخياطه كلها اسبوع ترا مع الاهتمام والتعقيم وخلاص . انا مو كل حمله يسوونها بجري وراها لا انا اسأل مجرب ولا اسأل طبيب امهاتنا وجداتنا ماكان زمان عندهم اهتمام بالشكل غير انه اصلاً ماكان تطور الطب موجود والرجال كمان مايهتمون بشكل المهبل واذا توسعت حرمته عليه خذ فوقها ٣ عادي جداً . هذا رأيي والله يتمم حملنا ويسهل ولاداتنا جميعاً بشق او بدون

العضوة: 135245 , 8 years ago

@user-137067 صح عليها يصير مرا المهبل بشع و متشوه انا من دريت بذا الشيء قلت اتحمل الالم و اتشوه عشان بس خاطر "التجربه الطبيعيه" ؟؟؟؟ اذا ربي هيأ لنا الوسائل لتخفيف الضرر والالم ليش نصر ع العذاب ؟

العضوة: 150964 , 8 years ago

الشق ضروري خاصه للبكريه وبعدين مايستأذنو منك بيشقو ع السريع وهاذ لمصلحه الطفل بعد الحمل الثاني مارح يشقونك و عادي اطمني مابيخوف ٤ايام وبتفك الخياطه

العضوة: 68073 , 8 years ago

@user-135245 من قالك يصير مشوه اغلب الحريم تفكيرها كذا وتوسع هي عضله تتوسع وترجع لوضعها الطبيعي برياضه كيجل والاهتمام بوقت نفاس لايصير متوسع ولا مترهل ولا متشوه ويرجع طبيعي نفس قبل شوفي البنات اللي فوق ولدوا بدون شق ماقالوا توسعنا وووو وي كثر اللي ولدوا بدون شق مااشتكوا من هالنقطه بس دايم اقرأ ان كذا يكون تفكير اذا كان بدون خياطه بيكون شكله متوسع ونسوا اهم نقطه الاهتمام بالنفاس، ناس تنشق وتتخيط وتضل عندها توسع

العضوة: 140655 , 8 years ago

انا ببنتي الاوليه ولدت وسوو لي شق وخياااااط .. تععبت منه مررررا .. بس في بنتي الثانيه بدون شق وخياط لانها قالت لي جبتيها صغيرة 3 كيلو بس .. والحمدالله ارتحت وكنت فرحاااانه .. وسويت في النفسه العسل الاصلي .. وتبخرت من تحت بالحاجات حق الحوامل .. والحمدالله رجعت كني عرووس..

العضوة: 140655 , 8 years ago

والحين انا بآخر الرابع وان شاءالله اذا ولدت مايشقون لي ..

العضوة: 106338 , 8 years ago

@user-135245 اول شي حبيبتي الطفل راح يخرج من المهبل سوا قصوكي او لا في كل الحالتين راح يتوسع المكان والخياطه تصير بس للشي اللي وسعوه هما فقط ماراح يضيقوك زياده ... رجوع المنطقه وتضييقها يعتمد عليك وعلى اهتمامك بنفسك وقت النفاس مو معناتوه اذا خيطوك من برى تتوقعين انك من جوا كمان صرتي ضيقه !! لا حبيبتي اذا ما اختميتي بنفسك راح تضلين واسعه من جوا مايفيدك تضييق الجلد الخارجي بعدين من قال الغرب مايهتمون بالضيق اجل مين اخترع عمليات الخياطه التجميليه غير الغرب؟؟ وزي ماسبق وقلت بداية القص كانت عشان الطبيب يساعد في انه يدخل ملقط يسحب فيه الطفل بسرعه ومع الوقت صارت موضه والكل يضن انه هذا الشي الصح وبالاساس مافيه شي احسن من طبيعة وب العالمين .. واذا اللي حولك قالوا انهم صاروا ضيقين مو معناتوه انه هذا الشي صح انا كمان مل اللي قابلتهم سوا ولدوا بقص او بدون قص قالوا نفس الكلام لانو مافيه حرمه تقول عن نفسها انها صارت واسعه وخربت بعد الولاده 😂

العضوة: 106338 , 8 years ago

@user-150964 لا مو ضروري الحين صار من حقك المريضه ترفض وحتى البكريه لو صبروا عليها تولد بدون قص بس الدكاتره مع الاسف مستعجلين

العضوة: 106338 , 8 years ago

@user-140655 م شاء الله ربي يتمملك بخير فعلاً الاهتمام بالمنطقه وقت النفاس هو اللي بيحدد اذا راح ترجعين زي قبل او لا

العضوة: 140655 , 8 years ago

@user-106338 ايييوا بالضبط .. لازم العنايه الفااايقه .. لانها مستقبلنا هههههه