الحمدلله الذي بنعمته تتم الصالحات رزقني الله بطفله جميله زي القمر ماشاءلله اللهم بارك ربناا يحميهالي ويحفظها وعقبال يارب كل الي عايز وعقبالكو كلكو ياحبيبي هحكيلكو حصل ايه معايا انا اولا ف بداية الاسبوع التاني ف االشهر التاسع جالي امبارح وجع طول اليوم من ساعة ماصحيت يروح ويرجع وجع جامد بس بيقعد لحظه ويروح سالت هنا قالولي استني لما تنزل مايه وخدي دش سخن استنيت وفضلت مستنيه وطول اليوم وطول الليل والوجع مرحش وانا مستنياه ينتظم ويبقي اشد الساعه ٤ الفجر قاعده ع السرير بعد ماكنت بتمشي لقيت المايه نزل عليا عوم صحيت جوزي وصحيت ماما كانت عندي بالصدفه والمايه مقطعتش واتصلنا بالدكتوره ورحوتلها قالتلي ولاده بس الرحم فاتح 1سم وروحت المستشفي علقتلي محلول ملح وحقنه تحمي الطلق وقعدت اربع ساعات تحت الملاحظه من 5:9 وانا بمشي علي اد مااقدر ف المستشفي وبعمل تمارين التنفس ومفيش اي جديد جت الدكتوره قالت مش هينفع المايه هتتصفي ولازم نولد قيصري وكانت كل فتره تمر عليا تشوف فتحت تاني ولا تلاقي مفيش غير واحد سم فاضرت انها تولدني قيصري طبعا بعد مقاوحة ماما وتصميمها اني اولد طبيعي بس دي حاجه مش بادينا وادعولي لان وجع القيصري صعب اوي