خلصت التاسع كله ودخلت أسبوع بالعاشر .. زاد عليه التعب والثقل وكرهت حالي ملل من الأنتظار .. مشيت أميال واكلت تمر كثير واناناس وحليب وعسل وماخليت شي الا سويته .. حتى الجماع هلكت زوجي 😅 والحمدلله فتح الرحم سانتي على يوم الأحد وجلس يوم واحد سانتي والألام تجي وتروح لكن خفيفه جدا ... فجأه فجر الثلاثاء جتني آلام قويه كل نص ساعه ..وكنت أتحمل وكل شويه يزيد ويتقارب ألين ماقدرت أتحمل ورحت ع المشفى الساعه 5 الفجر قالت الطبيبه مفتوح 3 سم ودخلتني تنويم .. المشكله لأني بكريه طولت بالطلق وجا الأستشاري وطلب الممرضات يعطوني طلق صناعي قال راح تطولي بالطلق ... وجلست من 6 الفجر حتى الساعه 1 الظهر طلللق قوي قوي جدا وفتح 6 سم وع طول دخلتني ولاده لأني كنت اصيح من الألم وأصارخ عليهم أقولهم خلاص ولدوني .. هم كانو يبونه يفتح أكثر بس ماخليتهم . ودخلت الولاده غصب أتحرك أحس راسه بين فخوذي .. والحمدلله دفعت 4 مرات والممرضه تدف فوق بطني ويقولون لاتصارخين كل ماصرختي تشفطين هوا وراسه يدخل .. وفعلا لما دفعت بدون صوت وطولت بالدفعه طلع حبيب قلبي بسرعه .. نصيحه للبكريات ... السالفه ترى تعدي مثل الحلم لاتقلقون بالتفكير مثلي .. صح ان الطلق مؤلم جدا لكن فكره التنفس اللي(( شمي ورده وطفي شمعه )) ساعدتني كثير ماتوقعت .. وشي ثاني ترى وقت الدفع مو مره مؤلم مثل الطلق لا أهون بكثير .. بس المهم تصبرين نفسك وتقولين انا قدها .. مثل ماكل هالناس جابو عيال حتى انا اقدر اجيب ... و ربي ييسر لكم يارب ❤💖💞💙💚