ولدت الحمدالله يوم الخميس وجبت احلى بنوتة الله يحفظها الي قصة ولادتي انو اني مطوفة شهري ورحت للمشفى في الاسبوع 41 و6 ايام وعملولي طلق صناعي والرحم فاتح بس واحد ستم وضليت هيك للساعة 3 وبعدين حولوني عمشفى ثاني عالاسعاف وهنيك فحصوني لساتو واحد ستم والطلق الصناعي ما عملي شي بس نغزات ورجعوني للبيت الساعة 10 ليل وقالولي لسا الك يوم وتكملي 42 اسبوع اصبري وارجعي بكرى الساعة 9 ورحت وكلي محطمة وتعشيت عالخفيف وتمشيت شوية ورحت انام جنب امي كانت معي الله يخليها الي وعالساعة 6 صبح قلت لامي تقوم تصلي الفجر وانا حسيت بوجع قعدت نزلت ماية الجنين وافرازات كثيرة وبعدين اجا طلق ربنا الطلق الطبيعي ورحت الساعة 8 للمشفى فحصت فاتح 1 ستم ورحت اتمشى في المشفى والطلق بزيد وماقدرت اصبر وامي معاي تواسيني بس بعد شوية راحت لانو ممنوع يدخلو هنيك غير الحوامل وقعدت اتوجع لحتى صرت اصرخ واطلب قيصري وفحصت الساعة 10 فاتح 2 ستم ورجعت اتمشى واصرخ والساعة 1 الظهر صرت احس بالدفع يجيني واكرم الله وجوهكم صرت اتبرز قلت للدكتورة في شي رح يطلع وانا عم اتبرز فحصتني سبحان الله طلع فاتح 10 ستم قلت حولوها للرلادة وهنيك صرت ادفع ادفع ويقولو البيبي طالع بس ما اقدرت وفشلت والدكتورة كانت قاسية وصارت تسرخ علي الله يسمح لها وقلت الها خلاص ساعدوني قالتلي اذا هيك ولحضة حسيت بالمقص يضربني وصرخت قالتي انتي بدك هيك وبعدين دفعت وطلعت بنتي وحطوها فوق بطني وشفتها وبعدين اخدوها وتركوني نصف ساعة ورجعو عملوا خياضة النصف حسيت فيه والنص كان مبنج وجلست نصف ساعة وحولوني عصالة الولادة انا وبنتي وقضيت 3 ايام وخرجت اتمنى ماكون طولت