كيفكم بنات ابشركم ولدت ولله الحمد اخر دورة ١٨ فبراير ولدت بالاسبوع ٣٩ قصة ولادتي امس رحت مراجعه ولقيت الضغط مرتفع كالعاده وهي بكل زياره تقول خلاص ادخلي اولدك وانا ارفض ف امس قالت طيب اسوي لك تحريض والي هو عباره عن كشف باليد وتوسيع وتحريك من تحت نزل دم خفيف لما رحعت البيت واكلت اناناس وشربت قرفه ونمت عادي اليوم الصباح من الساعه ٩ صحيت من الطلق ف قمت اخذت شور بمويه دافيه وركزت على ظهري وانا تحت الدوش احس طلق كل خمس دقايق طلعت من الحمام تذكرت نصايحكم حطيت حبه سودا مع زيت زيتون ودهنت بطني وظهري واخذت خمس رطبات وملعقة عسل وجلست امشي لحد ما زوجي راح جاب بنتي من الروضه .. وشربت كوب قرفه وصلت المستشفى دخلت طواري قلت لها ابغا ابرة ظهر ف كشفت علي قالت لي فاتح ٨ سم خلاص ما تنفع وشوي احس غثيان واستفرغت ف بسرعه طلعوني طلعوني ولاده وبدا الطلق حامي وفتحت لي الدكتوره موية الراس وبديت احس اني بتبرز مع الطلق والحمدلله ولدت الساعه ١ الظهر ولله الحمد وجبت بنوته . اللهم لك الحمد حمدا كثير طيبا وعقبالكم يا بنات فبراير والجميع بصحة وسلامة.