السلام عليكم الحمد لله انا ولدت قبل يومين وجبت بنوته مثل القمر الله يحفظها وعقبال عندكم يارب تولدون بالسلامه ان شاءالله المهم باليوم اللي ولدت فيه من الصبح حاسه بطلق بس كان بارد مره وما هو منتظم ومااهتميت له قمت اجهدت نفسي في هذا اليوم طلعت للبر مع زوجي كان مطر وقتها ورجعت البيت نظفته وغسلت الملابس بعدها تروشت وخليت المويه الحاره على ظهري قلت لو فيه طلق بيحتمي ان شاءالله المهم بعد ماتروشت على طول نزلت السداده وبعدها عرفت انها الولاده قربت وقمت كملت شغل ولا اكلت شي وصاحيه من بدري مرررره وكنت مرهقه مره قالت لي اختي دام نزلت السداده تبخري من تحت وكلي تمر وروحي للمستشفى ( البخور يفتح الرحم) المهم تبخرت بس ما اكلت 💔 بعدها ع طول رحت للمستشفى وزاد الطلق وطلع فاتح اربع سانتي مالكم بالطويله بعد اربع ساعات حاولت ادف وادف ماااقدرت 💔😭😭 مافيني طاقه ابد استهلكتها طول اليوم ولاني ما اكلت ماقدرت ادف والدكتوره تقولي انتي ضعيفه بنتك راسها نازل بس انتي ماتدفعين كويس تعبت ادفع ربع دفه واقف 😭😭 ياربي مت مت من الالم تمنيت اني سمعت كلام اختي واكلت تمر ولا اجهدت باليوم اخر شي الدكتوره دخلت يديها الاثنين وطلعت بنتي 💔☹️ مااحكي لكم عن الالم اللي ذقته الله ياجرنا يارب وبس يابنات حبيت انبهكم اللي قربت ولادتها تنام كويس وتاكل زين ولا تجهد نفسها ابدااا لان الولاده فعلا تحتاج جهد وطااااقه ولا راح تتعبي وتتعبي الجنين معك والحمد لله على السلامه والله يهون على كل حامل يارب انا من حوامل 5/25