بنات اني ولدت اول البارحه وطبعا اشكر ربي ودعاء امي اني بكريه طبعا اخر دوره15/1 خلصت شهري 22/10 ومجبت الدكتوره كالت تعالي باجر لازم اسويلج طلوك صناعي واذا مصار توسع احولج عمليه😞 لان دمج A- وجان عندي توسع اصبع واحد بس ورجعت للبيت ابجي لان ماريد لاهاي ولاهاي اريد الطلوك يجيني من الله وبقيت محتاره شسوي(طبعا اخر كم يوم بشهري جان يجيلي وجع بس يروح) المهم والله ثاني يوم كعدت شويه عندي وجع كلت نفس كل مره😒هسه يروح رحت لاستشاريه المستشفى فحصتني كالت توسع اصبع واحد بس صبري رحمج زين وطفلج نازل ليش تستعجلين ودمج ميضر ان شالله انتظري هالاسبوع هم شجعتني شويه طلعت من مستشفى تمشيت تقريبا ساعتين بلسوك ورجعت ونزلت مني السداده(علامه الولاده) فرررحت كلش خابرت ماما شرحتلها وكتلها عندي الم خفيف كالت ان شالله تجيبين لعد مادام هاي العلامات عندج وكمت اشتغل واصعد وانزل درج وشميت حلتيته(عدنا بلعراق يمكن يسموها جويفه) وشربت خروع واكلت انناس وهم رحت للدكتوره العصر شرحت حالتي كتلها نزلت العلامه كلت بلكي تغير رايها بس جانت مصره طلوك صناعي كالت بعد ساعتين تعالي للمستشفى خلص😣رحت سويت سونار كالت عندج تقلصات صح كلت اي(يمكن طلع عدها بلسونار وعرفت) كالت وضعها زين اتمشي ان شالله هليومين تجيبين قررت ما اسمع كلام دكتورتي واتوكل ع الله اخليها بلكي زادت عندي الاوجاع وجبت بدون تدخل طبي وبلفعل اجه الليل والالم زاد عندي هم شربت عصير انناس واكلت تمر وكعدت مي حار طبعا زوجي الله يحفظه سوه الي هلشغلات وساعدني نمت وبيه الم ساعه 4ونص الفجر كعدت من الالم زاد عليا انتظرت لحد ساعه 7 شفت الالم منتظم بس مو قوي مو مال ولاده جانت بطني تتحجر سويت رياضه القرفصاء واكلت تمر ورحت للمستشفى فحصتني كالت اتمشي وشربي عصير عندج صباعه ونص توسع من يزيد الالم تعالي كلت الحمدلله ربي انطاني الاريده😍رجعت للبيت هم اكلت تمر بس ويه زيت هوايه يعني ع النار سوته الي حماتي والالم مستمر بيا لحدددد ساعه 4 بعد ما اتحمل جنت ابجي والالم كل دقيقتين يجي كلت خلص يمكن اجيب هم رحت للمستشفى فحصتني هم كالت اصبع ونص 😭 كالت روحي لحد باجر او الفجر تجيبين هناااا هبطت معنوياتي كل هالالم وماكو توسع 😥 كلت خلص بعد ماروح الا اصير فول رجعت بس افتر بلبيت زوجي الله يحفظه الي سوالي بانيو مي حار وكعدت بيه تقريبا ساعه جان يصب المي بس ع بطني اما ظهري وجسمي كله بلمي داخل البانيو ساعه وطلعت من البانيو بس افتر ساعه 6 ونص هم كعدت بلبانيو ونفس الحاله بس شنو تخبلللت الم فضيع وكل دقيقه يجي ويلزمني دقيقه (ماريد اخوف البنات الي بعد مجابو😓😛) من جنت كاعده بلبانيو جان ينزل مني دم و قطع دم صغيره زوجي تخبل عباله يصيرلي شي هههه فديته صار سبعه ونص تقريبا طلعت من بانيو وكفت احس بضغط جبير جوه جاذبيه الكاع دتسحب الطفل(هاي علميا جاذبيه الكاع تسحب الطفل وتسهل الولاده ليش يكولون امشو حتى لو اكو الم😉) المهم من طلعت خلااااص بعد كل نص دقيقه يجي الم كلش قوووي جنت اصرخ بلبيت بدون وعي وصارت عندي رغبه كبيره بلدفع وبالاخص اني واكفه ما اكدر اكعد جانت تجي الطلقه افتح رجلي وادفع بدون وعي مو بكيفي جسمي هيج عيريد كالولي لاتدفعين كلت مو كيفي خلاااااص ودوني او اجيب بلبيت هسه هههه زوجي خطيه ميعرف شيسوي ركض اجت سياره ورحت طبعا مستشفى قريبا علينه خمس دقايق بس صارت عليا خمس ساعات بس اريد اوصل وصلت المستشفى طبيت الصاله لزمت الباب وادفع الدكتورات شافوني تخبلو اجو ركض لاتدفعيييين كلت وخرووو مو كيفي ههههه مددوني كبل كالو فووول وبدون طلوق بدون اي شي 4 دفعات و جبت البنوته مالتي ساعه 8 فديتها😍👶 يوم الكم يارب الله يسهل للكل ياااارب اعرف طولت بلكتابه [وتعبت😦]بس حبيت تستفادون😏😊