ستر الله ولحقت عالمستشفى الجامعي عالساعة 6 المسا امي وزوجي حبسوهن عند الاستقبال قال ممنوع اي حدا يفوت فتت لحالي لعند الدكتور بس شافتني عملت لي جهاز التقلصات شافت شلون متقاربة قالت ممكن الرحم فتح خلاص حالة ولادة بس لما فوتتني لغرفة الولادة عملت لي فحص لقيتو فاتح بس2 سانتي كثيير استغربت وطلبت منون يعملولي ابرة عملولي الابرة وطلبو مني اخرج اتمشى اذا زاد الوجع ارجع لعندون واذا خف بلاها طلعت وصرت اتمشى انا وزوجي لحتى تعبت كانت وقتها الساعة 8 المسا خلصنا مشي وتعشيت اكلت كثير 😁😁😁 تفتحت شهيتي للأكل بعد ما تعشيت صرت أستفرغ كل شوي والألم ما بيوصف طلبت من زوجي يرجعني لعندهون استنينا شوي لحتى صارت عشرة المسا رجعني زوجي للمستشفى وكمان فحصتني طلع مثل ما كان بس اثنين سانتي بعدها عملت لي ملف مشان ضل عندن لما دخلت لغرفتي كانت معي وحدة ثانية بدا تولد فجلست وصرت أقرا سورة مريم وادعي الله ييسر لي وصار الليل يمشي وانا ليلتي بيضا ما شفت النوم كل شوي وجع واللي معي بالغرفة هادية كثيير وكل شوي تفيق على صياحي هههه ما خليتا تنام لحتى طلع الصبح وانا على حالتي رغم انو بالليل عملولي سيروم وإبر بس بدون فايدة وامي وزوجي كل شوي يدقولي خبرهون انو لسا مافي جديد بس الفريق يلي كان بالليل تبدل وإجا فريق ثاني تطلعو عالملفات وفي دكتور شاف حالتي وانو البيبي عندو مي بالراس قرر يفوتني عملية وعمل لي تحاليل انا كثير ارتعبت وصرت أبكي وادعي الله انو ما أحتاج عملية شافتني ممرضة صارت تواسيني الله يجزاها الخير لحتى هديت وكلمت إمي خبرتها شو الجديد طلبت مني اطلع لتاخذني عند ممرخة ممكن البيبي مانو بوضعية تسمحلو يطلع فخبرتهون ما سمحولي إطلع صرت أتحجج انو أمي بدا تشوفني بس عند الاستقبال شوي وبرجع فسمحو لي طلعت لقيتها هي وزوجي يستنوني كانت الساعة 7 الصبح مشينا لعند الممرخة وفعلا طلعت وضعية البيبي شوي جانبية وسبحان الله عملولي سونار بالليل بس ما عرفو المهم طلعت من عند الممرخة للمستشفى لما لحقت صارت عندي نوبة استفراغ مو طبيعية ونزل شوية دم فطلبت من الدكتور يفحصني طلع الرحم4 سانتي فرحت كثيير بس الدكتور غافلني و عمل تحريض بإيدو كثييير مؤلم ما بينوصف الألم مانو طبيعي لحتى طلع لي كثير دم بس بعدها ألغى العملية ورجعت لغرفتي لقيت اللي معي ولدت وانا لسا فتسطحت وصرت بين الطلقة والطلقة أقرا قرآن وأشرب زمزم كان في شنطايتي لحتى صارت 11 صرت كل شوي فوت عالحمام وانتم بكرامة وما لاقي شي يطلع خبرت الدكتور قال مافي شي عادي بس أشربي مي صرت أشرب مي بس نفس الشي كل شوي فوت عالحمام لحتى خبرت إمي قالت لي انو هاي ( الزحمة بالجزايري) مابعرف شو اسمها عندكون المهم حزرتني أنو لا تزحمي بالحمام مشان ما تولدي فيه بس أنا ما سمعت كلامها وصرت فوت عليه لحتى آخر مرة لقيت ممرضة فتحت علي باب الحمام واخذتني لغرفة الولادة كانت وقتها الساعة 12 الظهر ولما صارت ال1 كنت مولدة بعد عناء طويييل قص وخياط بس الله يرحمو لإبني ما انكتب لو عمر بالدنيا وطلع متوفي الله يعوضني فيه وييسر لي ولادتي ادعولي اليوم اول يوم إلي بالتاسع