صبايا ضايل ١٠ ايام بخلص التاسع كان عندي موعد عند الدكتورة مبارح وحكتلي انو نسبه المي حول الجنين ٦ ونسبه التكلس المشيمه درجه تالته حكتلي اطلعي على طول على المستشفى هاي ولاده وفي خطر على البيبي بحكيلها طيب استنى للمسا لما يجي جوزي حكتلي ما معك وقت وازا نسيه المي وصلت ٥ في خطر على الجنين طلعت على المستشفى وربنا عالم بقلبي وكل قطعه فيني بترجف فحصوني المستشفى بحكولي عادي وكل شي طبيعي طول وهو ما في طلق ولا نزلت مي او دم ما منعملك دخول روحي على البيت روحت وانا قلبي مو مرتاح حكيت لجوزي نروح ع دكتورة تانيه وهي تحكم بين المستشفى والدكتورة حكتلي نفس كلام الدكتورة والمي صارت نسبتها ٥ ونص قلت عن مبارح بس هي بتحكيلي طبيعي لانو شافت الجنين على السونار حكتلي لما الجنين ما يبين على السونار من نقص المي هيك بكون في خطر ولازم ولاده فحصتني داخلي حكتلي عنق الرحم كتير سميك وما في توسع وراس البيبي بالحوض بس عاليه مش ضاغطه لتحت حكتلي احتمال ما يصير عندك طلق وممكن بطلق صناعي كمان ما يفتح الرحم وانك تحتاجي لعمليه حكتلي خلصي شهرك واسبوع وبعدها ارجعي للمستشفى.. هاي قصتي طولت عليكم بس اللي انا حابه اعرفو حدا صار معو متل حالتي وفعلا انو عادي نسبه المي هيك ولا في خطر مشان الله شو بتنصحوني اعمل لانو مرعوبه وهاد اول حمل الي خايفه تعبي يروح هيك باخر كم من يوم.. يارب تجاوبوني