بعد موت ابني البكر واثنين اسقاط بعده حملت بعد سبعه اشهر ..بالشهر الي حملت فيه كان زوجي مسافر ورجع يوم تبويضي بالضبط وتهيأت الاسباب كلها عشان احمل سبحان الله حتى انه اتفاجأت لمن تاخرت الدوره وعملت فحص وطلعت حامل بكيت من كثر الفرحه وحسيت انه ربي بيعوضني بدل الي راحوا مني سجدت لربي وانا ابكي من الفرحه وقررت اهتم بنفسي وفرحت زوجي ورحت عند احسن دكتوره وتابعت عندها وقالت اسوي مثبت سويت مثبت وكنت واصل راقده مااتحرك الا للحاجات الضروريه امتنعت من الجماع وامتنعت من الاكلات كلهن الي يهددين الجنين وامتنعت من المشي والخروج ومن كل شي اهم شي كنت واصل راقده ومريضه من الوحام كنت واصل استفرغ مااكل شي حتى الماء ماكنت اقدر اشربه وزوجي قصرت معه بكل شي بحجه اني مريضه وحامل وقصرت مع نفسي وتعذبت مرره بالوحام وكنت واصل بالبيت لوحدي املل وتضيق بي الدنيا وزوجي مايروح الا بالليل من الشغل بس عشان انا منتظره بيبي اطمن نفسي واتحملت ...وكل شهر يحصل معي شي ومشكله واروح اتعالج واتباخر وارجع ادخل بحاجه ثانيه ..وصلت للشهر السادس تعبت زياده ونزل البيبي للحوض وكنت خلاص ممكن اولد ..رحت عند الدكتوره قالت انه البيبي بالحوض ممكن اولد باي لحظه وقالت فيبي التهابات حاده ممكن تفتح عنق الرحم مع اني من اول حملي اتعالج لالتهابات وخوفتني وصيحت فوقي قالتلي ممكن تولدي بهذي اليومتين ليش ماتهتمي بنفسك وانا مصدومه لانه انا مهتمه بنفسي وقدني مااعمل شي وواصل ممدده وقالتلي خلاص لو راح هذا الجنين تعالي مره ثانيه اسويلك ربط وانا جننت قلتوله يعني يروح خلاص تعبي يروح؟ ؟ 😳😢 قالت ان شاءالله خير ادعي الله انه يثبت وقررتلي ابر. مثبت استخدمهن كل اسبوع وعلاجات وكنت اسأله قلتوله هل في ابر فسخ مثلا بالشهر التاسع لانه سمعت انه كثر الابر مايخلو الواحده تولد قامت تقول لي احنا نشتيه يثبت قدك تشتي الفسخ قلتوله مجرد سؤال لانه بيجلس ببالي ولمن قده تعمل لي سونار قلتوله معي ولد والا بنت قالت ولد والا بنت اهم شي يخرج بالسلامه قلتوله صح بس بيني وبين حالي كنت اقول ليش تكلمني بهذا الاسلوب ليش تتعامل معي كذا ..الله تعالى هو وحده الي يقدر وهو الي ياخذ ويعطي ...من تكون عشان تقرر ايش الي بيحصل لي ...هي المفروض مهمته تطمن المريض مش تخوفه وتزيد تعمل له حاله نفسيه روحت البيت وانا خلاص واصل بس دموعي ماينقطعين وقلبي مقهور وداخلي يوجع من الحسره والخوف مع اني والله من اول ماحملت الدعاء من لساني وقلبي مايتوقف وادعي ليل نهار بكل وقت بكل صلاة ولمن احس بوجع اقرا فوق بطني وامسح وارقي نفسي وبطني وكلي ثقه انه الله تعالى بيعوضني ومتاكده انه جنيني بيخرج بخير وسلامه لمن روحت جلست عند امي وكنت تعبانه مرره حصلت لي اعراض حمى الضنك والتهابات والجنين بالحوض وكم ياامراض اتجمعوا فوقي وحالتي النفسيه زفته من كلام الدكتوره كانوا كلهم يهتموا بي ..ابي قال لي ابطل كل العلاجات وامي قالتلي اكون واصل ممدده وارفع ارجلي ويطمنوني وفعلا جلست اسبوعين وانا واصل ممدده ورافعه ارجلي وبطلت كل العلاجات وكلهم يخدموني لعندي والحمدلله رجع الجنين لمكانه واتباخرت من كل شي وروحت بيت زوجي لمن قد دخلت الشهر السابع كنت مطمنه انه بالسابع يعيشوا الاطفال ولمن روحت حصل لي اسهال فضيع ومرضت ثانيه وضعفت وتعبت واتحملت وحاولت اتعالج طبيعي وراح الحمدلله ودخلت الثامن وكان معانا اعراس بالبيت كلهم يعرسوا ومرتاحين وانا الوجع حق الشهر الثامن والثقل والتعب يقتلوني وممنوعه من المشي وكل شي كنت اتمنى اكون بخير وافرح مثلهم بس اقول سهل هانت اهم شي طفلتي تخرج بخير وحسيت الشهر الثامن طول زياده بسبب الثقل والتعب كان الجنين يضغط على القفص الصدري حقي وكثر الماء جنب الجنين واشتدت بطني زياده لدرجه انه ماكنت انام خلاص طول الشهر الثامن وانا ماانام الا ساعه بالزياده لو غفيت والا كنت مااقدر اتمدد ولا على اي جهه كنت ابكي لانه واصل جالسه كاني اتغدي والا اقوم امشي شويه عشان يخفف الوجع ..يعني طول الشهر الثامن وانا ابكي من الوجع وماانام ومااقدر حتى اتمدد واريح ظهري تعبت تعبت كنت خلاص مستنيه بس ادخل التاسع عشان اولد دخلت الاسبوع 34 وجاني طلق ولاده خفيف اسعفوني بالليل من كثر من خوفنا على البيبي روحنا المشفى وقالو انه الرحم مفتوح بنانه وعنق الرحم سميك عملولي سونار وابره نوسبا ومغذيه وروحت وانتبهت لنفسي للمن دخلت التاسع اول يوم بالتاسع بديت ااكل مسهلات واسوي تمارين القرفصاء وكل التمارين حق مسهلات الولاده مااجا ثالث يوم الا وقدني احس بوجع طول النهار واستمريت بالتمارين اجا الساعه 1 بالليل كنت راقده واحس شي يخرج مني فتحت عيوني اشوف الماء ينزل بغزاره قيمت زوجي واسعفني بسرعه للمشفى ولمن وصلت فحصتني الدكتوره قالت الرحم مفتوح بنانتين ونص مازادت والطلق يزيد ويزيد وفيبي عظمه بالحوض زائده مابيخرج البيبي ولو حاولت باقوى قوتي بيخرج بس بيروح الدماغ حقه بسبب العظمه خوفت وبكيت وقالت لازم عمليه وزاد الخوف بكيت بكل صوتي من الخوف من العمليه ومن الوجع ورجعت قلتلها خلاص موافقه عمليه اهم شي بنتي تخرج بخير ويلا تحولت للعمليات 👇