العضوة: 897981 , 5 years ago

@user-800512 عادي حبيبتي بعدك عروس ما تشغلي بالك انتي جربي هالشهر ونشالله الله يرزقك الحمل واذا نزلت الدورة بنصحك تروحي ع الدكتورة تعملك ايكو يعني عادي ما بأثر بتتطمني على حالك لأن أحيانا بيكون في شغلات بسيطة كتيير بتمنع حدوث الحمل متل الألتهابات بالرحم وعلاجها بكون بسيط كتير ادوية لمدة 3 ايام ان شاء الله ما تحتاجي الدكتور بس انو مافي مانع تتطمني على حالك وبدي الفت نظرك لشغلة هيي أنو قبل الدورة حاولي ما تشربي شي ساخن كتيرر وما تتحممي بمي ساخنة كتيرر يعني يكون كلشي دافي مو ساخن لأن الاشياء الساخنة تنزل الدورة والله يكتبلك الخير يارب

العضوة: 800512 , 5 years ago

@user-897981 الله يسعدك يارب وربي جالسه تفيديني مرا بنصايحك هذي ، من اول كنت محتاجه احد ينبهني او يقولي ع هالشغلات ، انا رحت قبل كم شهر سويت تحاليل طلع عندي هرمون الحليب عالي وعالجته وبعدها تخربطت هرموناتي وجاني نزيف وعالجته ، وشافتلي الدكتوره كل حاجه الحمدلله تمام ، بس عندي نقص فيتامين دال وجالسه استخدم العلاج من ٥ اسابيع ، والالتهاب قالتلي الدكتوره اشربي مويا لترين ف اليوم وراح يختفي بس بصراحه م استمر ف شرب مويا كثير ، والله يسمع منك يارب ويكتب لي حمل هالشهر ♥️♥️♥️♥️

العضوة: 897981 , 5 years ago

@user-800512 حبيبتي الف الحمد لله أمورك سليمة ومشان نقص الفيتامينات بنصحك بمتمم غذائي أسمه دام فيتا الأمومة رح اتركلك صورته بيحتوي على كافة الفيتامينات ومهم قبل واثناء الحمل ما بعرف اذا متوفر عندك بس أنا عم أخده الدكتور وصفلي ياه متمم غذائي قبل الحمل نشالله عن قريب بتفرحي بالحمل ♥♥♥

العضوة: 897981 , 5 years ago

@user-800512 بس ما فهمت عليكي بخصوص الالتهابات يعني انتي عندك التهابات والدكتورة واصفتلك العلاج لترين ميي /?? او للوقاية من الالتهابات لازم تشربي لترين مي /?

العضوة: 800512 , 5 years ago

@user-897981 انا قلتلها عندي التهابات ، من ريحة البول الله يكرمك ، قالتلي اشربي لترين مويا ، بدون م تسويلي تحليل بول او اي شي

العضوة: 897981 , 5 years ago

@user-800512 ما تخافي طالما عملتلك ايكو الالتهابات بتبين بالايكو ولو شافت شي بدو علاج بالادوية كانت رح تخبرك والماء ضروري بكل الاحوال وبيفيد ♥♥♥

العضوة: 800512 , 5 years ago

@user-897981 تمام حبيبتي الله يسعدك يارب ويطمنكك ، ويرزقك باللي تتمنينه ، شكرااا واسفه تعبتك معايا الله يعطيك العافيه 🥺♥️♥️♥️

العضوة: 897981 , 5 years ago

@user-800512 لا ولو حبيبتي تكرمي ♥♥

العضوة: 844922 , 5 years ago

لك يرحم الله السوريات وحكياتن بنت بلدي بهنيكي ع هل لعلومات ولله انا متجوزي من 8سنين وفي معلومات اول مرة بسمعها. 😅😅

العضوة: 844922 , 5 years ago

انا ماجدة من الشام وانتو يا حلوين 😘😘😍

العضوة: 897981 , 5 years ago

@user-844922 ههههههه دخيل روحك تشرفنا يا روحي❤😍 انا ديانا من الساحل عمري 20 ♥♥

العضوة: 844922 , 5 years ago

لك ولله انا لبتشرف ببنت بلادي 💋💋💋 انا ماجدة من سوريا وعمري 24سنة والي 8سنين متجوزي وعندي محمد 7ومعتز 2سنة وهلق خامل برابع. وانتي.

العضوة: 897981 , 5 years ago

يخليلي ياكي يارب ♥♥ الله يخليلك ياهن وتفرحيلن بكلشي حلو ويقومك بالسلامة 💋❤ انا متزوجة من سنة و8 اشهر حملت بعد الزواج بـ 8 شهور بس اجهضت بالشهر التاني ولهلأ ما صار حمل كان عندي مشكلة بسيطة ومن اسبوعين عملت عملية

العضوة: 886068 , 5 years ago

@user-800512 حبيبتي اختصرلك موضوع التبويض اول شي تعرفي اذا دورتك منتظمه او لا اذا منتظمه مثلا كل ٢٨ يوم تنزل معك يكون يوم التبويض نص ٢٨ يعني اليوم ١٤ ويستمر ل٥ ايام يعني اليوم ١٤ و١٥ و١٦ و١٧ و١٨ طبعا تحسبي من اول يوم دوره لما توصلي اليوم ١٤ لازم زوجك يكون معك هذي الايام اذا دورتك كل ٢٦ يوم يكون يوم التبويض هو يوم ١٣ والايام اللي بعده وكذا

العضوة: 897981 , 5 years ago

@user-752386 لا حبيبتي ما بتوقع الها علاقة لأن عند الرجل في حيوانات منوية أنثوية وفي حيوانات منوية ذكرية يعني قسم بينتج عنه الحمل بأنثى وقسم ينتج عنه الحمل بذكر والحمل بذكر أو أنثى بيعتمد على نوع الحيوانات المنوية اللي قدرت توصل للبويضة اول شي بس في شغلة أنو الحيوانات المنوية الأنثوية بتعيش بالرحم أكتر من الحيوانات المنوية الذكرية لهيك بقولو أنو يصير حمل قبل موعد الاباضة بكم يوم ممكن ينتج عنه حمل بأنثى لأن الحيوانات الذكرية بتموت قبل الأنثوية ولحد ما يكون أجا يوم الإباضة ما بكون ضل غير الحيوانات الأنثوية وبالنهاية كلو بأيد رب العالمين الله يطعمك اللي ببالك ويخليلك اللي عندك ♥♥♥