العضوة: 230858 , 6 years ago

الحياه اليوميه بتسير فيها احداث ممكن تتكلمو عن شي صار معكم بنهاركم او تتكلمو بأحداث بتمرو فيها او ممكن تفضفضيلو بالي فيكي او تسمعيه شو صار معو او متلا قرأتي موضوع او قصة او شي جديد تحكيلو ياه من باب تفتحو مواضيع او اشاركيه بأشياء لفتت نظرك الاحاديث دايما بتيجي لحالها ما بينفع تجهزيها او تتعبي حالك وانتي تحاولي تفتحي مواضيع لو لحالو الكلام ما اجى عادي لا تجبري حالك وفي رجال بطبعهم ما بحبو يحكو كتير او ما بحبو يسمعو كتير فحاولي تراعي هالشي وتستبدليه بشي بحبو الله يألف بين قلوبكم

العضوة: 379460 , 6 years ago

شكرا حبيبتي للنصايح بصراحة انا كل مرة بلاحظ ع حالي انو ما بفتح حديث مع زوجي الا بشي يخص الكوارث والجرايم والمشاكل 😂😂 لأنو بتابع اخبار وبستغرب من الحوادث يلي عم تصير وبما انو نحنا لحالنا عايشين بالغربة وما حوالينا اهل نتسلا معهم ونغير حديثنا بلاقي حالي بسردلو القصص يلي عم شوفها بالاخبار خايفة مع الوقت يمل مني وبنفس الوقت يمكن الحكايا يلي من هالنوع بتسببله ضيق وانا مو حاسة ع حالي فحبيت اسمع تجاربكم يمكن في نمط معين للحكي بين الازواج الله يهدي بالنا جميعا