الحمد لله الذي بنعمته تتم الصالحات ❤ انا ولدت صبايا 27ديسمبر الساعة 10 الصبح بنوتة سميناها جوليا 😍 الله يقوم كل حامل بخير وسلامة هي والبيبي ويرزق الفرحة لكل مشتهي يارب لاحكيلكن القصة من البداية مشان ما حدا يوقع بالغلط ذاتو انا بالاسبوع 38 سألت الدكتور قال البيبي نزل بالحوض وعلى هذا الاساس أخذت تحريض بالمشفى بس مع الاسف كان غلطان بالتشخيص والبيبي بعدها بسفل البطن وعظم الحوض ضيق وما عم تحسن تنزل اخذت يوم الاربعاء محرض بتحميلة مهبلية فيها جيل بطري عنق الرحم ويخلي مستعد للولادة والطلق مستمر من لحظة يلي اخذتها لحد ما شالوها ضلت 20 ساعة بعدها اخذت حقنة فيها جيل بفتح الرحم وعليها صار توسع 4 سانتي ووقف ماعاد زاد بعدها اخذت سيروم فيو هرمون اوكسيتوسن يلي هو محفز للولادة وصارو كل شوي يزيدو الجرعة والطلق مستمر ومؤلم بشكل مو طبيعي طلبت غاز الضحك يلي اصلا مثل قلتو ولا بساوي شي وتضييع للوقت بعدها اخذت أبرة الظهر (APD )ورتحت عليها كتير وبعدها صار التوسع 10 سانتي بساعة ونص من الساعة 4 ونص الفجر لل 9 الصبح وعم نستنى تنزل الحوض ومانزلت نبضها ضعف وراسها تورم من الدفش وانا بعد ساعة من الأبرة راح مفعولها وضليت اتوجع بدون مسكنات طول هالوقت وبعدها حولوني قيصرية اخذت ابرة ثانية بس بجرعة اقوى مشان مايصير فيني نفس قبل وارتفعت حرارتي وحرارة البيبي بالعملية وهي اخذوها عالعناية مشان تستقر وكمان لانو شربت من مي الرأس (سائل الأمنوسي ) وأخر ربع ساعة من العملية راح مفعول الأبرة مرة ثانية وكان السبب عدم استجابة الجسم للتخدير طبعا ما رح تعرفو هالقصة لحتى تجربو التخدير واضطرو يكملو كلشي بدون تخدير عام بس بجرعات مسكنة وتخدير بالسيروم لانو كان صفيان بس الخياط القصة طويلة وصعبة بس الحمدلله عدت على خير وهلأ انا والبيبي بخير من فضل الله وكلو محتسب عند الله 💜