السلام عليكم فيه بنات يعرفوني من أول قبل سنتين كنت حامل و كان أول حمل حمدلله يارب و جبت بنوتتي بصحة و عافية و عمرها الان سنه و شهر 💕 نجي للموضوع🥺 أنا و أختي ماشاءالله مره قريبات من بعض و من محاسن الصدف اتزوجنا في نفس الشهر بس السنوات مختلفة طبعاً ، بس هيا للأسف اتزوجت و راحت الرياض و كانت تقولي يلا لمن احمل ابغاكِ تحملي معايا و اقولها لا خليني مع ريفان و انتِ اخري حملك 😂 دارت الأيام و حمدلله مر على زواجها ٩ شهور و جات عندنا قبل ٣ ايام و انا استقبلتها من المطار و جات عندي البيت فاجأتني بخبر حملها ففرحت و بكيت اني بجرب شعور الخاله حمدلله بس سبحان الله على طول جا في راسي حلم حلمته قبل فترة و في الحلم نكون الإثنين حوامل ، ف على طول شكيت خصوصاً ان دورتي كان مفروض تجي بس قلت بعطيها فرصه يوم اذا مانزلت بحلل على طول لأن الحلم يدور في راسي المهم رحنا عند اهلي و بشرناهم و الحمدلله فرحو مره💕 و أنا كنت اشتكي من ظهري و بطني من فترة و احسب نقص فيتامين د او مشكلة في الرحم بعدين لمن قربت الدورة قلت من الدورة ، المهم صباح الاربعاء على طول حللت و كنت متوقعه و فعلاً طلع حمل حمدلله و ماشاءالله ، للأمانه فرحت مرره و فاجآت اهلي و سبحان الله صار اللي نبغاه و الشعور اللي بنجربه و حملنا مع بعض و كلنا حوامل اكتوبر الله يتمم لنا على خير 💕💕💕 مخططين ل أشياء كثير نسويها مع بعض شعور مره حلو حمدلله 🦋🦋🦋