مرحبا بنات كيفكم طبعا شفت ناس كثير تسال عن إبرة الظهر وكيف ونأخذها او لا طبعا يا بنات انا جربتها الابرة جدا مريحه ما تحسي بشي نهائي وقت الولاده تاخذيها لما يفتح الرحم ٤ سانتي بعدها ما يعطوكي هيا اهم شي انك تكوني تعرفي طريقة الدف الصحيحة عشان ما حتحسي بشي في مقاطع باليوتيوب تعلمك طريقة الدف الصحيحة انا اخذتها في ولادتي الأولى وان شاء الله حاخذها في ولادتي هذي طبعا ادخلو وشوفو الدكاتره في اليوتيوب يقولو مالها علاقة في وجع الظهر اللهم ممكن يجيكي وجع راس بعد الولاده او رجفه يقعد ٣ ايام ويروح طبعا مو شرط يجيكي ممكن ما تحسي بشي بعدها طبعا انا كنت أقول ماحاخدها بس لما جا الم الولاده اخذتها والدكاترة كلهم بالمستشفى قالو ما لها اثار جانبيه ان شاء الله اني اكون افدتكم