العضوة: 694892 , 6 years ago

كثير يمدح وكثير يسب انا عني ماجربتها لكن ناويه ذحين اخذها باذن الله.. اهم شي نرتاح من الالم ربي ييسرلك

العضوة: 684782 , 6 years ago

ولدت مرتين قيصري و اخدتها ،، قبل يدخل الابزه يحطلك بنج موضعي عشان ما تألمك .. طبعاً مع تطور العلم هيا افضل من البنج الكامل و تأثيرها اقل ع الام و الجنين .. حلر انك تسمعي اول صرخه لطفلك و تشوفيه ارل ما يخرج عكس الكامل اللي تنامي و تصحي و غير الكحه و الاستفراغ من البنج الكلي ... انا عن نفسي انصح الكل ياخدها ،، رحمة من ربي إننا صاحيين و ما نحس بالألم

العضوة: 697902 , 6 years ago

طيب الله يسعدك تضر اللي فيه مشاكل بظهرها انا ظهري من قبل الحمل يألمني ومن بعد الحمل مره زااد

العضوة: 697902 , 6 years ago

تسبب ضرر للي فيه مشكله بظهرها! انا من قبل الحمل يألمني وبعد الحمل زاد وبقوه

العضوة: 722399 , 6 years ago

ع كثر المدح اللي سمعته عليها ناويه اخذها ان شاء الله واشوف انها نعمه من ربي مع تطور الطب وهذا من فضل ربي علينا

العضوة: 451652 , 6 years ago

حربتها بولاداتي البكر واللي بعده اتجنن والله ولاحسيت بأعراض انا أولد بالحرس الوطني بالرياض

العضوة: 431301 , 6 years ago

الابره رحممممممه رحمه من الله .. بس اذا عندك مشاكل في ظهرك من قبل الحمل استشيري اخصائي البنج ، بس اذا الم الظهر جاك من الحمل طبيعي مرررره يجيك الام في الظهر .. انا ولدت قيصري وخذيتها والحمدلله .. ويارب ييسر لك الولاده

العضوة: 746508 , 6 years ago

انا اخذتها ف ولادتي الاولى كانت قيصري وللاسف عندي فوبيا من الابر مره اخاف واتوتر منها وعطاني هيه وتحركت والله ليومك ذا وانا اعاني من الم ظهري هو قالي لاتتحركين لانها خطيره لو صار وتحركتي ممكن تسبب لك شلل لاسمح لله بس انا من خوفي تحركت الحين لي سنتين و٧ شهور والالم موجود بس خف مو مثل اول سنه والحين حامل والحمد لله ربي يعييناااا جميع ترى فيه بنات اخذوها يقولو مو حاسين ب اعراض لها بس انتي لاتتحركين وبس الله يقومك بالسلامه♥️♥️♥️

العضوة: 58895 , 6 years ago

انا جربتها ببكري والحمدلله ماضرتني بالعكس رحمة من الله

العضوة: 351092 , 6 years ago

ابرة الظهر نعمة من رب العالمين انصحك فيها

العضوة: 694966 , 6 years ago

دكتورتي جدا شاطره ومو ماديه.. ونصيحتها دائما ان لكل شي ايجابيات وسلبيات وكل شي صناعي لاتفكرون انه خفف الالم الحين وخلاص ترى اعراضه تطلع على مدى سنوات على الظهر... رغم هذا تقول انصح فيها لانها رحمه للحامل بسسسسسس وركزو على كلامي زيين... تنصح فيها للي جربت الولاده قبل... اما البكريه ف لااااا والف لااا.. لييش؟؟ لان يخف الالم واغلب البكريات مايقدرو يدفعو ومايحسو بالطلق وقتها.. وهالشي يأثر على الجنين وغالبا ينقلها من الولادة الطبيعيه الى القيصريه لانها خلاص ماتقدر تدفع لان مو حاسه بألم وكل مايقولون دفعي ماتحس ف خذو بنصيحتها يابنات التجربه الاولى للبكريات خلوها على الله تعدي وان شاء الله اللي بعدها تكونو خذتو الخبره الكافيه في الدفع وغيرها..... اني عن نفسي بكريه وودي اخذها واخفف المي لكن راح اسمع كلام دكتورتي

العضوة: 720557 , 6 years ago

@user-694966 انا اخذتها في بكري .. ولادتي الاولى .. وماحسيت بالطلق .. لحد ماجاء وقت الدفع وفتح الرحم ١٠ سم .. على طول الدكتوره خففت لي جرعة الابره من ٧ الى ٣ .. وحسيت بالالم وحسيت بنزول الجنين بالخوض وكللل شي وقالت لي تحسين فيه قلت ايه وقالت الحين يلا ادفعي .. وفعلاً حسيت ودفعت وولدت بالسلامه ولله الحمد من قبل ومن بعد .. علماً اني ولدت بأمريكا وهم اللي نصحوني فيها ولا انا اساسا ماكنت اعرفها ولا ادري وش السالفه بما انها اول ولاده وفي غربة وحالتي يعلم بها الله .. لكن هم اللي نصحوني فيها وطلبوها لي وانا كنت خايفه منها وقالوا لي لا تخافين احنا نستخدمها لنا سنوات عديده من السبعينات الميلادية .. و الحمدلله كانت تجربه رائعه .. هي تعتمد على شطارة الدكتوره اللي بتولدك وتعرف تتحكم بجرعتها .. ترفع لك الجرعه طوووال وقت الطلق اللي ممكن يمتد لساعات طويله وأحياناً يوم كامل .. اما لما يجي وقت الدفع .. تخفف لك الجرعه وتحسين بالألم وتدفعين .. الله يسهل عليك

العضوة: 720557 , 6 years ago

جربتها مرتين وانصح فيها .. الله يسهل عليك يارب

العضوة: 784681 , 6 years ago

اخذتيها بمستشفى خاص ولا حكومي

العضوة: 784681 , 6 years ago

وين اخذتيها بأي مستشفى