الحمد لله يارب ولدت ولادة طبيعية اخر دورة 26/6 ولدت بالاسبوع 40 مثل ماعطتني الحاسبة وهلا بحكيلكم قصة ولادتي 👇 البارح من العصر كان يجيني مغص خفيف في الظهر مثل كل يوم و نزل علية افرازات بنية ماتوقعت انها ولادة ظليت اعمل شغل البيت و اتحرك و على الساعة 12 قاعدة انا وزوجي بنحضر فيلم شوي و نزل علية شوية مي كانو بول ( اعزكم الله ) رحت للحمام غير ثيابي بعدين نزل معي افراز مخاطي دموي سميك بس ماكان في طلق ولا الم اخدت حمام ساخن و بعدو مافي الم بس مي الجنين ينزل تدريجيا و شوية دم ظليت استنى طلق مافي وصلت الساعة 1 و نص ليل قلت خلاص رح نام شوي ارتاح و بالفجر اروح المشفى دخلت تختي اول ما عملت راسي عالمخدة بدأ الطلق بيروح ويرجع شوي شوي خلال ساعة بدأ يحمى الطلق وكان كثير قوي ظليت بالالم و الطلق يتقارب لحين انتظم وصار يجي كل خمس دقايق وكان كثير حامي ماقدرت اصبر الساعة 6 رحنا المشفى لما كشفو كان فاتح 5 سانتي دخلوني على الغرفة وعملولي ابر بتزيد تحمي الطلق حتى صرت اصرخ و ابكي من الالم على الساعة 8 ونص دخلوني غرفة الولادة و هنا بدأت ادفع وبحس روحي رح تطلع والحمد لله خرجت بنتي بخير وسلامة لما شفتها تبكي وتتحرك فرحت وشكرت الله رغم الوجع لي مريت فيه بس كلشي بيهون لما بتشوفي بنتك و عقبالكم حوامل والله يسهل ولادتكم