الحمدلله ولدت يوم الاثنين الساعة 12باليل اخذت من الاسبوع 40يومين بدأ معي الطلق من يوم الجمعة كان على شكل شد اسفل البطن كل ربع ساعة ونهار الاثنين بدأ معي الطلق الحقيقي يلي بيكون من الظهر الى البطن كان الطلق كل 10دقائق وكنت ما بدي روح على المشفى لحتى يقوى الطلق اكتر ويصير كل 5دقائق بس خلص النهار وما كان يصير كل 5 دقائق وكان جوزي مابدو ياخذني للمشفى لحتى تنزل مية الراس مشان ما يعذبوني بس سبحان الله حكيت اختي ونصحتني اني روح وقالتلي بيكون رحمك فاتح لان صرلك 4ايام عم تطلقي وبالفعل قلت لزوجي ورحت الساعة 9 باليل فحصوني كنت فاتحة 3سم حطولي طلق صناعي وصارو يراقبو قلب ونبض البيبي وكانت كل ما تجيني طلقة كان يضعف قلب البيبي وصارو كل ما تجي الطلقة يحركوني يمين ويسار مشان البيبي يعني سبحان الله لو متأخرا بالبيت لحتى يزيد الطلق او تنزل المي كان صار شي للبيبي وبعد ساعتين فتح الرحم 10 بس البيبي كان عالي والقلب عم يضعف وقالت الدكتورا اذا مامشي الحال رح نحولك عملية وطلبو دكتورا تاني كانت بالمشفى كشفت علي وفتحت مية الراس وشفطو البيبي بشفاطة بس ما حدى يسألني كيف لان مابعرف شو عملو في بعد ما تعذبت وشفت الموت والحمد لله نزل البيبي وقالولي نزلنا البيبي بالشفاطة وخيطوني 5قطب يعني نصيحة لا تتاخرو بروحة المشفى لحتى تكوني مستوية وما يعذبوكي لان ما بتعرفي شو وضع البيبي