العضوة: 743708 , 5 years ago

@user-717005 @user-763746 @user-428676 @user-439426 @user-782632

العضوة: 743708 , 5 years ago

صبايا يلي ما زبطلهم تاغ انا اسفه

العضوة: 428676 , 5 years ago

جينا جينا ❤️❤️❤️❤️❤️❤️

العضوة: 799516 , 5 years ago

اديشك.......؟؟لي ماعملتيلي تاغ😢😠

العضوة: 799516 , 5 years ago

اليوم دورك موهيك 😐

العضوة: 428676 , 5 years ago

وانتي بعد ماعملتي لي😡😡😡😡بصدقة دخلت قصتك

العضوة: 428676 , 5 years ago

رحيق كملي

العضوة: 793501 , 5 years ago

وأنا كمان 😭

العضوة: 782632 , 5 years ago

@user-743708 كملي

العضوة: 782632 , 5 years ago

رفع

العضوة: 782632 , 5 years ago

@user-799516 بلا ادوار كتبوا انت ل٢

العضوة: 743708 , 5 years ago

اسمك صعب ما ينعمل تاغ

العضوة: 743708 , 5 years ago

@user-793501 حقك علينا انتي اول مرة شوفك عندي 😂😂

العضوة: 743708 , 5 years ago

خالد : شبك يا عمري هداية: ماني حابة تتركني .. خليك حدي اليوم اطلع خالد بوشا الحزين لهداية والدموع يلي مجمعا بعيونا وتبسملا وضما بكل حب.. خالد: هههههههههه.. شبك يا روحي .. المسا وقت ارجع بنسهر لوش الصبح.. بكرة ما عندي شي فلتت حالا من حضنو واطلعت فيه بعيونا الدابلة والمليانة دموع.. هداية: خالد قلبي واجعني.. ماني حابة تروح .. بلا الدوام اليوم مسك وشا بئدي التنتين واطلع بعيونا بكل حب.. خالد: حبيبتي .. يا ريت لو ضل ع طول حدك.. بس انت بتعرفي قديش نحنا بحاجة هالدوام .. لولاد عم يكبرو ومصروفن عم يزيد هزت هداية راسا باستسلام .. هداية:ماشي يا روحي.. بامان الله وحفظو .. انتبه ع حالك خالد: اي وانت ضلي ستغفري .. هاد شغل شيطان هداية: ان شاء الله يا عمري طلع خالد من البيت وهداية توضت وصلت ركعتين ووقفت ع سجادة الصلى.. هداية: يااا رب .. حميلي زوجي وولادي.. وبعد عنن كل اذى .. يا الله كانت عم تصلي وتدعي ودموعا عم يشرو.. قلبا واجعا وما بتعرف السبب .. وكانو ربنا عطاها هالاحساس لحتى ما تنصدم بالخبر وقت يجي.. خلصت هداية صلاتا وبلشت بترتيب بيتا .. وهي عم تنضف حست بنغزة قوية بقلبا.. تركت كلشي وركضت لتشوف ولادا.. اطلعت فيهن تلاتن.. كانو نايمين متل الملائكة.. هداية: يا ربي .. شو يلي عم يصير.. ما اطمنت .. قربت منن لتتاكد انو هني عايشين.. هداية: الحمد لله .. كلن بخير قعدت ع ركبا .. ما عادت قدرت توقف.. ورفعت اديها للسما هداية: يااا ربي.. يااا ربي بعد شي نص ساعة بيندق باب البيت.. ومع دقتو بتنقز هداية.. هداية: يا رب لطفك.. يا رب ركضت لعند الباب .. وكان رجال غريب واقف ع الباب.. هداية: تفضل اخي مجهول: مسا الخير اختي.. حضرتك مرتو لخالد رجف قلبا مع اسم خالد وردت عليه بصوت مبحوح.. هداية: اي انا .. خير شبو شو صاير مجهول:............ زاد خوفا لهداية وقت سكت الرجال.. هداية: شو في اخي مجهول: اختي....... اختي..... زوجك تعب فجاة بالدوام.. ونقلنا للمشفى.. و........ قاطعتو هداية بصوت يا دوب عم يطلع..

العضوة: 743708 , 5 years ago

قاطعتو هداية بصوت يا دوب عم يطلع.. هداية: مااات.. خالد مات مجهول: العمر الك يا اختي بهاللحظة كانو ولادا تلاتن حدا.. سحبت نفس طويل.. ومسحت بئيدا ع وشا .. هداية: انا لله وانا اليه راجعون.. انا لله وانا اليه راجعون مجهول: زوجك لسا بالمشفى اختي.. بس بدنا نخلص وراقو لنطالعو .. بخاطرك اختي.. شدي حيلك سكرت هداية الباب ونزلت ع ركبا ع الارض .. سندت حالا ع الباب .. والتمو ولادا حولا وهني مانن فهمانين شي.. ضمتن وصارت تبكي .. تبكي رفيق دربا وروحا.. تبكي الايام يلي راحت وما عاد رح ترجع.. تبكي الايام يلي رح تجي ويلي رح يجي معا