انا حبيت اشاركم تجربتي علشان محدش ييأس من كرم ربنا اولا انا حملي كان ماشي تمام اوي لحد اخر السابع و جالي سكر حمل و اكتئبت طبعا كام يوم و بعدين قررت اسيب اموري كلها لله و ظبطت اكلي و ماخدتش اي علاج للسكر و الحمد لله اموري مشيت تمام و مع بدايه الشهر التاسع جاتلي هرشه فظيعه فجسمي روحت للدكتور و حللت و طلعت النتيجه ان عنديش ارتفاع انزيمات الكبد بسبب الحمل و ده خطر عليا و علي البيبي لما عرفت النتيجه كنت ف اخر قالي 5 ايام ف الاسبوع ال 37 و الدكتور كلمتني الساعه 12 بالليل اني لازم اروح طوارئ حالا و روحت و فحصوني الرحم كان فاتح بس نص سم بالعافيه قررو يدوني طلق صناعي الساعه ع الصبح و اخدته بس رفعلي نبض البيبي اوي و قفوه لحد 2 الضهر اخدته تاني و الحمد لله الطلق اشتغل و الرحم فتح 2 سم بس للاسف الطلق وقف فجاه من بالليل لتاني يوم الصبح فقررو ليا ولاده قيصري بقي علي الساعه 2 الضهر و جات الدكتور الساعه 1 تشيلي التحميله بتاعة الطلق لقت الرحم عنده استعداد يفتح اكتر يعني طري فقالت هنجرب للمره الاخيره نولدك طبيعي و اخدت الطلق بقي ف الوريد كانت الساعه 1:30 و بدا الطلق معايا كنت بموت بمعني الكلمه و كمان ساعتين الرحم فتح 7 سم و بعدها وصل ل 10 و جه ميعاد الولاده و الحمد لله بعد عذااااااب ولدت ع الساعه 4 و طبيعي و دي كانت قصة ولادتي ربنا كريم اوي بس يبقي عندنا صبر انا ولادتي فضلت 3 ايام مش يأست من رحمة ربنا ابدا و كان عندي امل كبير انه هيكرمني و الحمد لله ابني في حضني سليم معافي عقبال كل حامل يارب ربنا يكرمها بلحظه اننا تحضن ابنها او بنتها