السلام عليكم انا بنهاية الشهر السادس اكتشفت الدكتوره ان عظمة الفخذ اقل باسبوعين من حملي قالت لي طبيعي بس احتياط راح احولك لدكتور علم الاجنه عشان ياخذون قياسات الجنين بشكل ادق وموعدي صار في بداية الثامن والصدمه شنو بعد ماكشف علي الدكتور قالي الطفل فيه عيوب ومشاكل خلقيه واحتمال يموت بعد الولاده او بعد اربعين يووم ك اقصى حد انا ماقدرت اتحمل كلامه مو مصدقه لاني احس بحركته طبيعيه وكل شي تمام عشان كذا مو مصدقه والعيوب اللي قالها لي العمود الفقري مايل وقصر في الاطراف وفتحه في فمه من الاعلى وثقب في المعده يعني شي مايطري على بال كل حامل لان كل همنا اول ما نحمل نبي نعرف اللي فينا بنت ولا ولد وانا هذا اول حمل لي وماكنت اعرف انه في فحص مفروض اسويه بالشهور الاولى اللي يكشف على اعضاء الجنين اتمنى البنات بنتبهون لها النقطه ومايصير لهم مثلي بسبب جهلي وخطا الدكتوره بعدم نصحي اسوي هالسونار تكفون بنات ادعولي يكون كلام الدكاتره مو صح ويطلع ولدي سليم ومعافى وبخلقه تام والله ضايق صدري وانا الحين اخر اسبوع من الثامن والحل اللي قالوه لي ان سلامتك تهمنا اكثر من الجنين وبنحاول مانولدك قيصري اما الجنين الله يعوضك بغيره