العضوة: 260309 , 5 years ago

@user-174744 صراحه نصحك بيك ناقشي انتي وراجلك ..يلي تحصلي تحصلي ديري حاجه لي حوش يريح نفسيتك لان انتي مافيش حد من يجيك في حوش.. فرصتك

العضوة: 174744 , 5 years ago

@user-260309 لا ما عنديش مربوعه عندي دار امال وداري ووسط حوش ومعيشه ومطبخ بس حتى مخزن ما عنديش

العضوة: 260309 , 5 years ago

دار نوم ديري في زاويه لان كبير دارك

العضوة: 174744 , 5 years ago

@user-260309 هي كبيره لكن ما فيهاش مكان لان فيها مكتب مروان وموضع مش ساهل يبي راس مال للقماش ويبي تندار دراسه للموضوع ونحدد شني الحاجات اللي بنخدمها

العضوة: 260309 , 5 years ago

هيا تبي رأس مال ..انتي عندك معلومه فرصتك تبي صبر

العضوة: 174744 , 5 years ago

@user-260309 اي توا لين اصلا نقرا في النت بتش نعرف المقاسات والتفاصيل هذه حنى كان بنبدا نعرف قداش نحتاج قماش

العضوة: 260309 , 5 years ago

هيا تبي تعلمي أكثر بش تبدي واثقه من نفسك أكثر ..شوفي روحك قبل وصلي الاستخاره

العضوة: 260309 , 5 years ago

@user-174744 نطيب في كاكاويه🤦‍♀️🤦‍♀️🤦‍♀️

العضوة: 174744 , 5 years ago

@user-260309 اي هي هذه انا ديما نفكر في مشاريع ونخطط ونقرر بعدين نفشل 😶😶 صحتين يا سلاااام كاكويه مع طاسه شاهي بالعطر 😍😍

العضوة: 260309 , 5 years ago

هيا تبي عزم وتكوني عندك رغبه وعندك رأس مالها.بس بش تقدري تخدمي بيه.. سلمك ..راجلي مايحبش عطر .. واني جوي زي زفت حشاك قداش ليا فتره ..تعبوني اصغاري معاش بدو يرقدو بكري قعدت عشره ايام ماشاء الله وبعدها مش عاجبهم وضع تخايلي نعشيهم ساعه 8ويخشو دارهم يقعدو لعند ساعه ١٢واني مصكره دار نرقدهم ولا كانا عياط جعان بنخش حمام نبي اميه كله كذب في كذب وبعده عارك في بعضهم لين خلاص فضلت بديت نضرب ..ومافيش فايده ونهددهم مافيش فايده ..ومسايره مافيش فايده لقيت روحي اني نعست وهما لا ... وتخايلي ينوضو بكري لين تخلعي مايعرفوش حاجه اسمه قيلوله بكل قصدي تعب عليا يرقدو متاخر وينوضو بكري 8الا

العضوة: 174744 , 5 years ago

@user-260309 اي واعر عليك هكي حتى راحه معاش ترتاحي هو انا فرختي قداش عمرها زوقت النوم تبدا تقولي هما ميه كاكا دير في سبل ما بالك.كبار

العضوة: 260309 , 5 years ago

نفسيتي خلاص نكره ليل من اصغاري اقسم بالله من 8ندخلهم لعند ١٢وين هاذي نقول معليشي توا يتغيرو زي قبل بتدريج لقيتهم شي شي ليا اسبوعين هكي

العضوة: 174744 , 5 years ago

@user-260309 استمري وما توقفيش هما اكيد.يديرو هكي يقولو توا تمل وتفوتنا انت خليك تابته وما تضربيش لان يزيدو يعاندو

العضوة: 260309 , 5 years ago

@user-174744 والله قعده وماوقفتش ..لكن خلاص نتحمل وقت معينه مش لعند عقاب ليل نساير لين خلاص ضروري نفصل معاش نقدر نتحمل ..كرهت حياتي ..تخايلي توا تاني جعان ..شكلي بنمشي حوش امي سيب اصغاري لعند بوهم بش يعرفو قيمتي ..

العضوة: 174744 , 5 years ago

@user-260309 هما صغيرين مش حيفهمو شني يعني قيمتك ومش حيفهمو انت علاش مشيتي جربي معاهم كل الاساليب حطيهم في دار وطفي الضي ضلاااام واطلعي وخليهم