سلام عليكم يا صبايا جمعة مباركة أنا حامل للمرة التانية المرة الاولى اجهضت بالشهر الخامس جنين كامل ودفنوه وبهدا الحمل اخر دورة كانت 28/6/2017 وعلى حسب برنامج حاسبة الحمل انا بالاسبوع 39 والدكتورة قالتلي لساتك ببداية التاسع انا لهلا ماعرفت انا باي اسبوع واي شهر وكمان مبارح عملت ايكو غراف قلي الجنين لسا مانزل راسو يعني لسا راسو من الاعلى ورجليه من تحت قلي من هون لعشر ايام ازا ما انقلب الجنين رح نحضر حالنا للقيصرية وانا بصراحة مابدي قيصرية خايفة ادعولي وخصوصا اني بالغربة لحالي بدي اعرف منكم انا باي اسبوع وباي شهر وهل ممكن تنقلب الجنين ونصحوني بحركات او امور اعملها بتساعد انها تقلب لان من فضل الله معي بنوتة جزاكم الله خير وربي يرزقكم الذرية الصالحة