بنات انا عندي مشكله انا بحب زوجي حب شديد جدا وحاسه انه ده طمعه فيا وخلاه يجي عليا كتير يعني يتعصب عليا كتير وقدام اهله وبحس باهانه كبيره جدا بسبب اسلوبه ده ومتجوزين بقالنا ٧سينين معايه بنوته ٦سينين وحامل في اخر التامن مشكلتي اني مش بقدر اخد منه موقف لما بيزعلني وبسامحه ع طول بدون مايعتذر وبيهملني كتير وكلمته وقولتله اني محتاجه منه حنان ومشاعر وتعبانه كتير بتحايل عليه علشان يقعد معانا ويتكلم هو فيه مميزات كتيريعني كريم ومش بيحرمني من حاجه اناوبنتي بس يمكن دي اكبرمشكله انه في اكتروقت بيدايقني ويهيني بكلامه بفتكرمميزاته وا سامحه عطول وبيوحشني بطريقه غريبه اوي يعني انامعرضه للولادهالمبكره والدكاتره منيمني فيبيت بابافي السريربقيت بعيط من شوقي اليه وعاوزه اروح باي شكل بتوحشني ريحته كلامه حضنه كل شئ المشكله الكبيره بينا انه لما بيتعصب بيقول فيا كل شئ وحش واني ع طول كده وبيزعلني جدا وبياثر فيا وهو ولاكانوا قال حاجه امبارح كنت هموت وجالي طلق بسببه بنتي كانت عنده في البيت كلمني في التليفون سمعني عياطها وقالي ضربتها وهضربها تاني واكسر دماغها علشان مش راضيه تذاكر وعاوزه تجيلك اقوله هاتهالي واناهذاكرلها يقولي لا ويزعق ويقولها مش هواديكي عند ماما تاني في حياتك كل ده واهله سامعين ومبيحشوش عنها وقلبي بيتعصر عليها وانا سمعاها وقفل في وشي وانا عارفه انه بيموت فيها بس لما بيتعصب ويضربها ضربه غبي ووحش جدا كلمت باباه علشان يحوش عنها يقولي خليها تتعلم تسمع الكلام اقوله يعني يابابا انت مقتنع ان الضرب صح يقولي هوانتي شايفانا بنشجعه ع الضرب ويجيب الغلط عليا يقوم يقول لباباه اقفل ويزعق يقوله دي رغايه وبتحب الرغي اقفل وسيبك منها خلاني كنت هموت من القهر من اهانته ليا قدام اهله منين بيحبني ومنين بيهيني ومبيهموش وخليت بابا يكلمه ويقوله هاتها ومزعلها ليه يجي البيت جايبها وملقاش بابا في البيت لقي امي قاعده جمبي قعد يزعق وهو اللي زعلان ويقولي رايحه ترني ع الناس كلها تشكيني وجاب الغلط عليا ضربات قلبي زادت ونفسي را مني وضغطي وطي ومن كتر العياط عنيا قفلت وورمت وكنت هموت وهو كل اللي عمله روح وبعت رساله ع الواتس يقولي فيها عامله ايه حقك عليا سلام انا مش عاوزه اسامحه وعاوزه اخد موقف والمفروض اني هروح كمن يومين اعيد في البيت عاوزه قلبي ومروحش بجد بجد نفسي اكرهه واشوفه بني ادم عادي او ع الاقل اتعامل معاه زي مابيتعامل معايه دانا امبارح في عز ماكنت منهاره كنت متضايقه جدا انه هيقوم يسيبني ويمشي هو انا محتاجه اروح لدكتور نفسي ولااعمل ايه بالظبط 😭😢😢😢😢😢😢😢😢