ي امهات الاجيال الجديده ..ببدأ اتسوق للمولود الجديد بس مو عارفه من وين ابدا وكيف ابدأ وايش المهم والاهم .. هذا اول حمل لي وبدأت اثقل والمشي صار يتعبني فقلت بتجهز من الان لكل شي بس مو عارفه من وين وكيف ... ووش الحاجات اللي راح احتاجه لما اكون نافس ؟! لما اسأل امي تتجاهلني تقول ربك بيدبرك ايه ماقالت شي وانا متوكله ع الله بس لازم اشتري خصوصا ان المنطقه اللي عايشه فيها اسواقه قليله ولازم سفر ساعتين عشان اتسوق ... انقذوني واثلجوا صدري بكل شي ممكن احتاجه كنافس و للجنين ايضا ومشكورين 💕
العضوة: 385251 , 7 years ago
الله يتمم لك على خير وتقومين انتي طفلك بالسلامة. انتي روحي اي محل اطفال.. ومن تدخلي، لا إرادي ايدك بتمتد لأي شي يعجبك. خذي ملابس للطفل، و ادوات صحيه مافي شي كثير اساسا. اهم شي شنطة البيبي تكون جهازه ومب ناقصها شي.. اساسا من تروحي محل الاطفال، انتي من نفسك بتاخذين اللي يعجبك، توكلي على الله، والله يوفقكالعضوة: 390906 , 7 years ago
بنتي شريت لها ملابس كثيرر حقت مواليد اخر شي لبستها بس عشره منها باقي ضاقت وصغرت ترا المواليد يكبزون بسرعه ماشاءلله وملتبسهم تضيق لا تكثرين خذي ملاس داخليه خمسه وملابس عشره له ولبسين حقت مستشفىالعضوة: 298426 , 7 years ago
شوفي ياعسل انا بكرية وقريت كثير وسألت كثيير واغلب الاجابات جات كذا والحمدلله جهزت اغراض البيبي وماابغى منك الا الدعاء ان ربي يسهل ولادتي ويحفظ لي جنيني ويرزقني رؤيته سالما معافى رحت سنتر بوينت واشتريت طقم ملابس كاملة تجي ٣ مع بعض نيوبورن وطقم وبربوتوزات تجي ٥ مع بعض نيوبورن هذي تلبسه لمدة اسبوعين بس واشتريت كمان طقم ملابس كامله تجي ٣ مع بعض مقاس من صفر لثلاثه وكمان طقم بربتوزات من صفر لثلاثه تجي خمسة مع بعض واشتريت لبسين للاستقبال كلها من صفر لثلاثة لقيتها في جدار وانتي تطقمي اللبس مع الكوفلة مع الطاقية واشتريت ثلاث لفات خفيفة تجي مع بعض اخذت لون سكري تجي مع كل الملابس ولفتين ثقيلة فخمه تلفيها فوق اللفات الخفيفية وطقم فيه ثلاث طواقي ب الوان مختلفه سكري وابيض ووردي او سماوي ومنشفة استحمام للبيبي وعطر من شيكو واكياس الحفايظ رولات صغيرة اخذت ٣ ب١٥ وكمان لاتنسي مريلة الرضاعة اذا بترضعي طبيعي تخلي شكلك مرتب واشتري مهد اللي تدخلي البيبي بداخلة واعراض الصيدلييه مجموعه استحمام للنونو وحفايظ ومناديل مبللة وبس دعوااتك واي سؤال في الخدمةالعضوة: 319625 , 7 years ago
امين يارب 💛يسلمو ع الرد ربي يسعدكالعضوة: 319625 , 7 years ago
ربي يحفظه لك ويرزقك بره 💛العضوة: 319625 , 7 years ago
@user-298426 الله يقومك بالسلامه ويرزقك بالطفل السليم المعافى الصالح 💛 مشكوره ع الرد جدا استفدت من كلامك ربي يسهلك ولادتك وجميع امورك 💕العضوة: 350381 , 7 years ago
اشتري رضاعة أفنت أصغر حجم ، ولهاية ، ومقياس درجة الحرارة حق الأذن شركة براون صح غالي بس مريح وتطمني على طفلك ، واشتري منشفة للاستحمام له وأغراض الاستحمام شامبو وصابون جسم ولوشن و ليفة ، وأنتي اشتري لك بجامات وقمصان مريحة ومناسبة للرضاعه والاستقبال وبعد اشتري الكلوتات الي استخدام مره وحده عشان ماتشيلي هم الغسيل .