صباح الفل ياكروشات 🌸 الله يتمم لكل حامل ويسر لها ويرزق كل من تتمنى بالذريه الصالحه 😘 ترددت كثير قبل لا اكتب ذا الموضوع لانه اكيد راح يكون فيه انتقادات وممكن تكون جارحه عشان كذا بقولكم هذي تجربه شخصيه ممكن ناسبتني ما تناسب غيري اللي ما تقتنع بذي الاشياء لا تكمل قراءة 😁 بعلمكم طريقه تفتح الرحم بسررررعه بإذن الله وعن تجربه 😈 بس بشرط لازم يكون معاك طلق ولاده وقت ما تسويها.. بنتي الاخيره ولأول مره اوصل 35 اسبوع 💃💃💃💃 وجاني طلق وفرحت اني بولد بطلق ربي لانه الاولين طلق صناعي.. رحت المستشفى قالت الرحم فاتح واحد ونص 😢 رجعت البيت نظفت بيتي وجهزت عيالي ورحت مشيت ورجعت المستشفى 😀 قالت 2سم 😞 وزعلت على نفسي وبرد الطلق مره ماعاد احس بشي.. تذكرت زوجة خالي ايش سوت وقلت رغم انها خرافات بس خليني اجرب 🤷‍♀️ تبخرت بقشر بصل وحبة السوداء وحب الرشاد و ( المر ما اني متأكده اذا حطيت او لا) تنحط على فحم وعلى طول تلحفت ونمت بمكان دافي وصحيت وتنزل علي سدادة الرحم اللي عمري ما شفتها 😷 كأني بكريه وربي.. اخذت دش وبعدها قالوا لي الجماع كويس وما قصرنا 🙊 ورحت المستشفى واحصل نفس الدكتوره الاوله حسبها الله قالت 2،5 تنويم رفضت وطلعت للخاص وساعتين انتظار عادي ودخلت لدكتوره وهي تفحصني تسألني وين راح تولدين قلت ليه..؟ قالت 6 سم ما شاء الله على طول روحي على المستشفى 😍😍 وانا مو مصدقه لانه ماعندي ولا نقطة آلم واروح المستشفى قالوا 5سم على طول غرفة الولاده 😪 قعدت من 11 الى 6 الصباح ما عندي اي آلم ورأس الجنين مرتفعه وانا في سابع نومه 😂😂 دوام الدكتورة قرب يخلص قالت اعطوها إبرة طلق في المغذيه وربي 3 دقايق يمكن وآلم آلم فضيع غير محتمل ورى بعض ما بينه ثانيه وحده راحه ونزل الرأس وفتح الرحم وولدت بفضل ربي في نص ساعه يمكن 😌.. عشان كذا اكد عليكم اللي بتجربها لازم يكون عندها طلق ولاده عشان يفتح الرحم وينزل الرأس انا ماكان عندي طلق فتح الرحم ولا نزل الرأس .. اللي تجربها تدعي لي وتجي تبشرنا اذا فادتها او لا 😍 بسوي رسالة دكتوراة فيها واخذ برأة اختراع 😜