صبايا حبيباتي الي عندها علم او خبرة بلموضوع تساعدني والي ما عندها تعمل رفع الله يجزيكم الخير 🙏 انا حامل بتوأم كيسين ومشيمتين بأول يوم بالاسبوع ٣٤ اخر دورة ١١/اكتوبر/٢٠١٨ نزل علي دم وقطرات قليلة ماي روحت المستشفى حكولي معك توسع ١ سم و اوزان البيبهات ١٩٠٠ و ٢٢٠٠ وكيس الماي مالو مخزوق سليم والي بينزل مش ماي اشي تاني ما بيعرفو شو هو او شو سببه !! لهيك اعطوني بزيادة ١٠ ايام الى اسبوعين حتى ع الاقل ادخل التاسع واخدت كمان ابرتين اكتمال الرئة.. اسئلتي: * ممكن اصمد وادخل التاسع حتى لو في توسع ١ سم؟ * هاد اهم سؤال عندي وعاملي قلق وتوتر كبير، هلأ بعد ما اخدت ابرة الرئة واوزانهم تعتبر منيحه للتوأم وعلى اعتبار اني صمدت للتاسع وولدت اول يوم تاسع (عملية) هل يحتاج التوأم حضانه وازا احتاجو كم يوم بلكتير؟؟ * تخطيط القلب للبيبهات كان منيح بس الحركة كتير قلت هاد شي لازم اقلق منو ولا طبيعي؟