ولدت بعد عنا دام سبوع مع ألم الطلق والافرازات والحمد لله جبت ولد مثل القمر ، وعقبالكم جميعاً ، كانت ولادتي اشوي صعبه بسبب الطلق ، من الساعه ٣ العصر الى الساعه ٢ الفجر كان فاتح الرحم ٥ سم ، وعندي دفع غير ارادي ، وتعب البيبي ونبضه صار قليل ، وكانت الدكتوره بتسوي لي قيصرية لان مارضى يفتح غير ٥ والماي نزل ، بس الحمد لله ربي سهل علي مره وحده وفتح كامل وولدت بالسلامه وكنت ادفع من دون مااصرخ او اصيح كنت متحمله بس عشان ابني يطلع بالسلامه 💙