👌شوفي يا ست ماما 🤨 👶أول ما بخلق ما بعرف إرضع مزبوط✋🏻مطلوب منك تصبري عليي ساعة و ساعتين من دون ما تزهأي😰لإنو بالوقت يلي إنت بتسحبيني فيه عن صدرك و فكرتيني شبعت، أنا بكون بعدني عم سمّي☺️ بتفكريني تيس بس أنا جوعان، و نقص الغذي بيعملي ريئان ولادة بعيد الشر عن قلبي☺️ 👶بعد الأسابيع الأولى حتلاقيني عم صرخ و أبكي و افرك بإجريي و لمّ عليكي الخلق ... معلش تستحمليني في تلك الفترة😬 أنا لسه جديد و مش متعود على الضوء و الأصوات و درجات الحراره المتغيرة و اللمس و تمجيق النسوان و تغيير الحفاض😬... رح تاخد معي القصة شهرين ل اتعود ع روتين معين، ما عليكي إلا الصبر يا ست الكل😬أهم شي نيميني بوقت محدد كل يوم، حميميني بوقت محدد كل يوم، عمليلي روتين اتعود عليه و خدي ما يدهش العالم☺️ رح صير ابن عيلة و شاطر، المهم بعديلي رفقاتك تاعون التحويط و التمجيق عني✋🏻 👶ل نكون واضحين يا حنونة☺️ريحة ال perfume ، غير انو بتزعجني، بتمرضني✋🏻 أما ريحة العرق، فبتقرفني😌ايه ايه، ما يغرك أنفي صغير، إذا في ريحة بشعة لا فيني ارضع و لا انبسط بالأكل😰 راعي مشاعري يا أمي الحبيبة🙈 👶نسكافيه يا أمورة بدنا نخففو، قهوة بتعصبني، بينزل الكافيين ع حليباتي و بيعملي قلق،،، ما تجي تصطبحي بركوة قهوة و mug نسكافيه و تقولي ليه ما عم نام؟!😬 أنا ما ذنبي✋🏻 أما بالنسبة للقرنبيط و البروكولي🤣ف ما ضروري خبرك، مغصة وحدة مني كفيلة بإنو تسهرك ليلتين ورا بعض☺️خفي ع كرشك شوي و كلي أكل مغذي☺️ أحسن ما تطلع براسك بعدين،،،🙈 👶بعد كل رضعة ما بدي وصيكي تمسحيلي دقني ببشكير قطن،عشن الحليب بيعقوصني🤗و ممكن بعد فترة تلاقي تسلخات حمرا😰على رقبتي و تقعدي تلطمي و تقولي من شو؟! منك يا ست الحبايب🙈نقطة الحليب بتعملي صماط، و خصوصي إذا كنت كلبوظ شوي🤗 فهمتي و الا أعصرك أطلع منك أمهات صغيره🤣🤣 🌸