بنات جبتلكم معلومه حلوه من الدكتور كثر الحديث عن حليب الام ... كثر الحديث عن كونه خفيف او لا .. كثر الحديث عن كونه يسمن لو لا .. يشبع هو افضل لو الصناعي .. ما سره .. ما لونه.. ما تركيزه ... هو افضل من اي حليب .. مهما قالو بالحليب الصناعي ومدحو.. الشكوى المعتادة من كثير من الامهات : أني حليبي خفيف وراح نعيد ونكرر ماكو شي اسمه حليبي خفيف وراح اوضح الموضوع ..( كل أم عدها حليب خفيف فى أول الرضعة و حليب دسم و ثخين فى آخر الرضعة لما الثدى يكون دا يفرغ ) و هذا طبعا للى تكمل الرضعة السليمة من 15 - 20 دقيقة .... و مع كثرة الرضاعة يزيد انتاج الحليب طبعا و يكفى حاجة الطفل . -ولهذا المفروض الطفل يرضع من ثدى واحد مرة او مرات (ممكن الام تبقى ترضع من جهة وحدة طول النهار ) لحد ما يخلص نهائيا و بعدين تترك الفارغ يمتلىء و ترضع من الثدى المليان ... وهذا يفرق هواي فى زيادة الوزن لان الدسم ينزل مع آخر كمية فى الثدى . ** باختصارً حليب الأم جزئين:( كما موضح بالصورة من اليسار الى اليمين) : -حليب اول الرضعه(اللبأ) وهو الي يكون خفيف جدا ويحتوي سكر اللاكتوز.. -حليب نهاية الرضعة يكون كامل الدسم ويحتوي علي السعرات والدهون اللي الطفل يحتاجها يشبع ويكبر ويزيد وزنه... ♦️فالأم اللي ترضع بطريقه غلط او ترضع كميه بسيطه وتفصل الطفل من صدرها قبل ما يشبع او تبدل بين الجهتين في وقت بسيط لازم تعرف انه طفلها اخذ حليب اللبأ بس اللي كله سكريات وخفيف وبالتالي ما راح يكدر يهضمه زين ويصير عنده كثير من اضطرابات مثل الانتفاخ والمغص وحتى كثرة البراز ...وطبعا اللي يفيد الطفل اكتر كشبع وبالتالي زيادة الوزن ويريح المعده هو حليب نهاية الرضعة.... اتمنى توصل المعلومة لكل ام مرضع .. ولكل ام حامل .. و لكل ام تريد تعلم الاخرين وتفيدهم ... لان راح تفيد طفلها هواي و راح تكدر تواجه الي يكولولها حليبج خفيف وما يشبع الطفل ... فيدو الناس وانصحوهم حتى يستمرون عالرضاعة الطبيعية وبالطريقة الصحيحة ... منو يعرف هاي المعلومة من قبل ومنو استفاد منها ؟؟؟ تجاربكم ممكن تفيد الاخرين ... د. اوراس العزاوي اختصاصي طب الاطفال والخدج