السلام عليكم قصة ولادتي القصيرة والعريضة حملي كله كان خفيف الحمدلله واول حمل بيمر عليا كدا وسريع وماحسيت بالوقت وقلت ان شاءالله بيكون متل ولاداتي الماضية اول مادخل التاسع بمشي واشرب حار و اولد طوالي ماشاء الله بس دخلت التاسع وانا احسبه قصير وبكرا بولد يا محلاني😇🤭 ويالله من اول يوم بالتاسع خلطات ومشروبات ومشي وتمارين ولا اي أثر سويت خلطة الاعشاب وشربت مرامية وكل يوم عسل ورطب ونط وزط بلا اي فايدة واول مرة اوصل للاسبوع 39 وبقي لي كم يوم فيه وادخل 40 وكل ماروح لأهلي بيقولوا ها لساتك مافقستي😭 وانا يزيد اليأس عندي ومرة وانا جالسة مع مرت اخويا اعطتني وصفة قالتلي خذيها بتولدي طوالي هيا جربتها بعد ماعوشرت وولدت بنفس اليوم وقالت اختها كمان مجربتها قلتلها لاااا مستحيل اخاف تأذي البيبي وبس رجعت البيت جلست افكر فوصفتها وبدأت افكر فيها.. بالليل استخرت وصليت ركعتين وطلبت من زوجي يجيبها.. قبلها قلت امشي يمكن سبحان الله مااحتاجها واولد.. ومشيت وشرب زنجبيل وينسون وطلعت الدرج وتروشت ابد مافي نتايج😂😭 بعد الفجر سميت واخدت شوية من الوصفة طبعا مابغى اقولكم شو هي عشان ماتصير فذمتي وتأذيكم🤗 زوجة اخويا قالتلي خذيها كلها بس كنت خايفة منا جدا لاني قرأت عنها كتير ولقيت منها مساوئ خصوصا للبيبي والأم وفي كتير بيمدحو فصرت بين هدول وهدول مترددة بعد ماخدت انتظرت ساعة بدا ألم بسييط رحت واخدت من الوصفة كمان بس أقل من قبل. وكلمت زوجي نروح على بيت امي بجدة وانا فمكة وحاجزة بمستشفى بجدة وطول الطريق بتتحجر بطني وتخف وهكذا كان منتظم بس بدون ألم رحت عبيت امي وأذن الظهر قالتلي اني روحي ارتاحي لين مايزيد الألم نروح عالمشفى. قلتلها طيب واصلا ماكنت نايمة قبلها من امس الليل يعني اكتر من 12 ساعة صاحية ودخلت الغرفة كنت جايبة معايا دلة ينسون بزنجبيل وحبة البركة وعسل خلطة جبتها من راسي 😂 وزدت عليها شوية من الوصفة ورحت انام صرت كل مانام بيجي وجع زي الدورة يصحيني واخر مرة صحيت على صوت طقة المويا بس جلست بدأت تنكب المويا دخلت اتروشت بمويا دافية وبدأ الألم يزيد وأذن العصر علطول طلعت صليت والألم يزيد ويحمى ناديت امي وزوجي وهم حاطين فبالهم لسا قدامي وقت نوصل عيالي لبيت اختي بعدين نروح المستشفى وانا اقلهم خلاص انا فيا ألم. مو محتمل وهم مو مصدقين لاني دايم باخد وقت حول 6..7.ساعات عبال اولد راح زوجي صلى بالمسجد وانا يزيد الالم ومو متحملة رجع زوجي وعلطول عالسيارة ومع حركة السيارة الألم يزيد ويألم والمطبات ياربي تعذب وانا بالسيارة بدأت احس انو خلاص بحس بدفع واصرخ بيطلع ابغى ادف وماحد فاهمني لا امي ولازوجي لسا مو مستوعبين 😂😭 بس وصلنا خلال ثلث ساعة المستشفى جابو عربية ودخلوني على الكشك كشفت قالت يلا قومي ولادة 😫 دخلت غرفة الولادة بس جلست عالسرير جاتني طلقة قوية والممرضات لسا بيجهزو حالهم والدكتورة ماجات وبعدها تانية صرت اصرخ وادفع لا اراديا وهم يقولو لا تدفعي وانا ماعليا اصرخ وادفع وبعد جهد طلع الحمدلله بفضله ولا حول ولا قوة الا بالله وحده وبين مانكبت المويا وولادتي اقل من ساعه الحمدلله والشكر لله وحده🤗 لكن الوصفة سببت لي نزيف بعنق الرحم من قوة الطلق كان حامي جدا بس الحمد لله ارتحت عقبال جميع الحوامل بصحة وسلامة ❤️🌹