كنّا عصافير حب ، كتكوتة فؤاده ، دلوعة كرشه ، زيزون وزيزونة مافي مشاكل ابدا" ، ولا حتى كان في أعراض لأي خناقة #لحتى أنا تهاضمت جعلا كانت ساعتي 😢 ع الساعة 8 أندق الباب وفتحته ! طلعت جارتي الألمانية #كرمنتينا هية وجوزا 😐 من سيرة لسيرة انتبهت على طرف حاجبه مضروب ، جوزي سأله شو صاير معك جار ؟! جاوبه : ها ها ها لما الإحراج 😅 أنها زوجتي كرمنتينا وضعت لي لصاقة أزالة الشعر ، عندما سألتها لماذا فعلتي هذا !؟ جاوبتني بكل خفة ودلال : لكي تقاسمني الألم قليلا"😆 #فورا" أنا نطيت متل الحية الدهبية وقلتلو : إنو هيك كيف اخدتا بروح رياضية وما عصبت عليها أو ضربتا ؟! طيب مرتك المغضوبة (( طبعا" هالكلمة حكيتا بالعربي ما فهموها😂 )) ما اعتذرت منك ؟! جاوبتني هالمقوصة وقالتلي : نعم اعتذرت منه لأنني شعرت بألمه وطلبت منه أن يعضني عضة على يدي كي نكون متساويين بالألم في الوقت نفسه 😊 قلتلا : فرجيني فرجيني العضّة ، لك يادوب مبين شقفة سنين متل خرزة كبّاسة ورق . عملتلا هالحركة 😏 وقلتلا تتهنوا الهي😏 بس راحوا جوزي نط عالكنباية قلي نص ساعة خليني نام فارط نعس .. #ونااااااااااااااااااام صفنت بيني وبين حالي يالله شو هالحب وهالأدفنشر بين جون وكرمنتينا لك ليش حياتنا كلها أكل وشرب ونوم ، ليش ما أنا حرك حالي واعمل متلون خليني أحرق أم الروتين بحياتنا😆 ركضت على الحمام جبت لزقة إزالة الشعر ولصقتها على بطة رجله اليمين وهوي نايم ولا حاسس 😆 خليتا لتثبت اكتر ، وشلتاااااا شيلة وحدة 😂 وأوووووبااااا😂 بربي فز فزة متل الشمبانزي يلي شايف موز قدامه ، مسك رجله ويقول ، ، أوووه أوووو أوووو بس شاف بطة رجله كيف مصمطة وبأيدي حاملة كبتولة شعر قلي : لك شو هاااد يلي عملتيه يا جحشة 😠😡 قلتلو بكل خفة ودلال وانا بلولح بالشعرات وبتمايل #حتى_تشعر_قليلا_بالألم_الذي_أشعر_به وقال شو من تقالة دمي قلتلو : أنا أسفة حبيبي خود إيدي وعضها خلينا نتقاسم الألم بنفس أمو للوقت 😊😍 #هلق_شيلونا_من_هالحكي أنا أنا ما بتذكر شو صار أصلا ، بس يلي بتذكروا أنو سمعت البوليس بقول : كبّلوا يديه وخذوه للقضاء بسرعة وجوزي كاشف ع بطة رجله وبقلون : قبل ما تاخدوني تعو شوفوا شو عملت فيني ؟! (( مو أتاري بالتقرير الشرعي مكتوب فيه : وجدنا أثار 4 قواطع ونابان و4ضواحك و6 أضراس ، مغروسة على يد المغدورة ، ويحوّل زوجها للقضاء🙄 )) معلش معلش المهم تقاسمنا الألم😌 #الاجانب_لاتقلديهم #لا_تقلديهم_للاجانب #العربي_تيس_ومخو_بالكيس😆 #فهمتي_ولك😆