انا بكريه في الاسبوع 36 و 3 ايام .. كان عندي موعد متابعه عند الدكتورة و كشفت عليا من تحت طلع مفتوح 2 سانتي بعد ما كشفت عليا نزل عليا دم و بدات معايا الاوجاع زي مغص الدورة بس اقوا شوي.. بعدها طلبت اعمل سونار وتخطيط و سويت السونار و الحمدالله تمام و رحت سويت التخطيط كان في طلق و طلق حاامي مايوقف ماشاءالله من بعد الكشفيه قالو لي انتي ولاده خلاص و طلعوني الكشك جلست تقريبا 16 ساعه كل ما يكشفو نفس الشي 2 سانتي وطلبت كم مره منهم اني أمشي عشان يساعد يفتح الرحم زياده مايرضو .. اخر شي طلبت خروج ع مسؤوليتي وطلعت .. الدم الى الان موجود هل هادا طبيعي..!!؟ وكمان عندي الم زي الطلق بس متباعد و الم في فخدي مره قوي لدرجه حركتي تصعب .. والم مره قوي في اسفل الظهر احسو كانو مكسور .. المهم اللي عندو فكره و خبره يساعدني ويجاوبني ع اسالتي .. كيف ممكن ازيد افتح الرحم زياده .. و ايش هرجه الدم هادا .. و كمان سؤال هل تجوز الصلاة و انا عندي دا الدم ام لا ..!!؟