#الأمومة 😍 #لما شعرك يقع بالكومة في ايدك و جسمك كله معالمه تبوظ كأنك واحدة تانيه غير إللي كنتي عليها طول عمرك إللي فات .. #افتكري لمسة إيده أول مرة بعد انتظار ٩ شهور عذاب 😙 هتعرفي إنها #مستاهله 😉 #لما تكتمي العطسة و الكحة و الضحكة و النفس حتي عشان ميقلقش و هو نايم .. #افتكري إن أول مايفتح عينه و يشوفك بتضحكيله يقوم ضاحكلك كأنه بيقولك صباح الخير يا مامي 😇 هتعرفي إنها #مستاهله 😉 #لما كل هدومك السمول إللي ملحقتيش تلبسيها ترميها و تجيبي غيرها بس اكس لارج و كلها لازم تبقي بزراير .. #افتكري شكل هدومه هو وازاي بتلفي بالساعات عشان تجبيله حاجة شيك مع إنه مش هيفهمها أصلا 😌 هتعرفي إنها #مستاهله 😉 #لما تسهري و تطبقي بالتلات أيام عشان نومه متلغبط .. #افتكري إنه أول ما يقلق ويفتح و يشوفك قدامه يطمن وينام تاني ❤ هتعرفي إنها #مستاهلة 😉 #لما موبايلك يهنج من كتر الصور و الفيديوهات إللي بتخديهاله و كل شويه يفصل .. #افتكري إنه هيشوف الصور و الفيديوهات دي لما يكبر و هيبوس إيدك علي كل لحظة فيهم 😊 هتعرفي إنها #مستاهله 😉 #لما تسهري جنبه بالاسبوع مراقباه وهو نايم عشان مش يقلق و تحفظي مواعيد كل دواء لوحده و كل ٥ دقايق تقيسي حرارته مع كل تطعيم أو كل دور برد و تعدي كل شويه تسألي علي جروب سنة اولي مامي عن كل حاجة جديدة بتحصله .. #افتكري اول مايفوق من التعب و يرجع يضحكلك تاني لما تلاعبيه 😇 هتعرفي إنها #مستاهله 😉 #لما تبقي جايبه اخرك من كتر الهموم و متقدريش حتي تعيطي أو تتعصبي عشان بطنه متوجعوش لو رضع .. #افتكري نظرته و ابتسامته ليكي و هو بياكل و لما يشبع كأنه بيقولك شكراً يا ماما يا حبيبتي 😍 هتعرفي إنها #مستاهله 😉 #لما تشيلي من قاموسك (ضوافرك المتظبطه والمانيكير و شعرك من غير كحكه و فنجان القهوة -اللي كان ادمان- وحتي كوباية النسكافيه و كمان الشيكولاته 😢 .. #افتكري ان لو حد ممكن يفكر بس إنه يأذيه ممكن تأكليه بسنانك مابالك لما انت اللي تأذيه بأي حاجه من دي 😗 هتعرفي إنها #مستاهله 😉 #لما تروحي للدكتور بتاعه من كتر خوفك عليه و لهوجتك تنزلي بالشبشب .. #افتكري الدكتور و هو بيطمنك و بيقولك ماتقلقيش بسيطه الحمد لله 👏 #لما تزهقي من لزقته فيكي طول الوقت و إنك مش عارفه تتحركي غير بيه .. #افتكري إنه هو الوحيد اللي في الدنيا اللي يقدر يميزك و يميز ريحتك من بين ألف واحدة غيرك و هو مغمض كمان ولو الناس كلها حواليه بيلاعبوه بيفضل يدور علي وشك انتي وسطهم عشان يضحكلك 😌 هتعرفي انها #مستاهله 😉 #لما كل خروجاتك يبقي نصها في التواليت بتغيريله و تأكليه و تنيميه و علي ماتخلصي تكون الخروجة خلصت أصلاً .. #افتكري ضحكته و هو نايم وبيحلم انك بتلعبي معاه و مهتمه بيه هو اول و اخر حاجه 😘 هتعرفي إنها #مستاهله 😉 صدق اللي قال إنها مش سهلة بس مستاهلة