الام الولادة

9 years ago

المرحلة الثالثة (الأشهر 9,8,7)

حبيباتي رجاءا خبروني عن الام الولادة بالتفصيل وكم لازمني اتحمل ماروح للمشفى اول حمل ليا

17 تعليقات

الله يتمملك ع خير يا رب وتقومي بالسلامة انتي والبيبي يارب 💕😘 حبيبتي بالبداية بتبلش معك اعراض الي هية يا اما بتنزل السدادة وهي عبارة عن افرازات مع دم او بتنزل المي او بيبلش الطلق وهو عبارة عن الم متل الم الدورة يهني بتحسي بوجع ببطنك وضهرك من تحت وبتحسي انو شي عم يندفع لتحت وبتحسي متل التشنجات البسيطة برجليكي من فوق وبتحسي انه رجليكي بطلو جزء من جسمك او ممكن تنزل السدادة ويبلش الطلق مع بعض متل ما صار معي المهم انه بيكون بين الطلقة والطلقة بالبداية وقت كتير وبالبداية بيكون الوجع خفيف وكل ما قل الوقت بين الطلقات كل ما توجعتي اكتر بس لا تخافي وجع محتمل هلأ ممكن تقعدي يومين ومعك طلق وممكن اقل انا بلش معي الساعة 1 الضهر وولدت ع 1 ونص الفجر انتي لما يصير الوقت بين الطلقات منتظم يعني كل 10 دقايق او اقل روحي ع طول ع المستشفى ولا تستني اكتر من هيك رح احكيلك شغلات عملتها وفادتني بالولادة وخصوصا لانك بكرية اول ما يبلش الطلق ضلك امشي واشربي ميرامية حلوة وخدي حمام دافي ونامي ع جنبك الشمال بس صدقيني المشي كتير مهم وهو يلي سهل علي ولادتي بس لا تعملي ولا شي قبل الطلق يعني يلي بيحكيلك اشربي شي علشان التوسع او امشي قبل الطلق لا تردي ابدا والله بتتعبي وبتتغلبي وبيبطل فيكي حيل للولادة ما تعملي ولا شي قبل الطلق هاي نصيحتي الك والله يقومك بالسلامة معليش طولت عليكي بالكتابة بس قلت لازم افيدك 😅😘💕😘