#كلامي_للبنات💜 يمكن كلامي ما يعجب البعض بس عنجد تركو لو لمرة وحدة عدوانيتكن وفكروا شوي لا تعتبروا هالكلام من شخص ناقد مخالف لرأيكن او من شخص يدعي المثالية لا والله يمكن تكونوا عند الله احسن مني اعتبروا هالكلام من أختكن او من رفيقتكن وصدقوني انا ما نايبني شي من هالكلام بس بدي ساعدكن مو اكتر والكن الحرية بالاخير 💙 إذا كنتي ماشية (ومو منتبهة) وكنتي على بعد خطوة من وادي عميق واجا حدا مسك ايدك وشدك قبل ما توقعي بتبهدليه ولا بتشكريه؟؟ ليش لما بينزل بوست فيو نصايح عن اللباس والحشمة بتهاجمو؟وبتنتقدو وبتتمسخروا بطريقة بشعة؟ بعرف جوابكن قبل ما تحكوا رح تقلولي ما حدا الو علاقة بلبسنا وهي حرية شخصية وما حدا دخلوا بحدا ومارح تنزلوا بقبرنا وعتقوا العالم والعالم وصلت للقمر ونحن منحكي عن اللبس....... الخ طيب قرأي هالحديث يلي قالو رسولك اللي بتآمني فيه👇 قال النبي ﷺ: الدين النصيحة قلنا: لمن يا رسول الله؟ قال: لله ولكتابه ولرسوله ولأئمة المسلمين وعامتهم.. طيب انتي كبنت مسلمة مؤمنة بالله وبما أنزل برأيك صح انو ناخد من الدين بس اللي بيعجبنا و نشطب عاللي بخالف هوانا لأ ونهاجم كمان اللي عم ينصح بما أمر الله؟ فكري فيا شوي شقد شي مخزي انو نقنع المسلمين بدينن💔 (العالم وصلت للقمر ونحن منحكي عن لبس البنات)👏🏻 ليش نحن خلقنا لنصل عالقمر؟ برأيك التطور بالعقل اهم من الارتقاء بالدين؟ الدنيا اهم من الآخرة؟ طيب إذا شايفة موضوع اللبس كتير عادي وما بستاهل النقاش شوفي هالحديث👇 عن النبي ﷺ قال: صنفان من أهل النار لم أرهما: قوم معهم سياط كأذناب البقر يضربون بها الناس، ونساء كاسيات عاريات مميلات مائلات رؤوسهن كأسنمة البخت المائلة لا يدخلن الجنة 💔ولا يجدن ريحها💔 إذا شايفة هالقد الجنة رخيصة وهالقد النار سهلة كأنو جلدك خلق من حديد او فولاذ تأكدي انو انتي بالهاوية 💔 قال عمرو بن العاص : لو يعلم احدكم حقيقة جهنم لـ صرخ منها حتى ينقطع صوته ، و لـ صلى حتى ينكسر صلبه💔 انا ما عم قلك غيري نمط لبسك فورا للطويل بعرف صعب تتعودي على شي وتتركيه بس انا عم انصحك تغيري طريقة تفكيرك عم انصحك تبطلي تدافعي عن المعصية َتبطلي تهاجمي اللي عم يدعوا ل الله اللي بتآمني فيه 💙 تركي لحالك باب بينك وبين ربنا عسى يهديكي ويغيرك ما رح ينقص منك شي إذا قلتي انا غلطانة الله يعفي عني ويكرمني بالهدى واللباس الصح ما رح ينقص منك شي إذا قلتي انو الحشمة مطلوبة ودينا أمر فيا 💙 نصيحة🌸 ما تحبي طريقة لبسك ولا تتقبليها ولا تقولي الإيمان بالقلب ولا تقولي في كتير محتشمات من تحت لتحت وعاملين العمايل إذا حدا غلط انفري منه لا تنفري من اللي بيقتضيه دينك هدول كلن مسوغات وتبريرات للاقتناع بالغلط وترك الصح.... رح يضل الشيطان يلعب بعقلك ليحبب لقلبك طريق الغلط حتى ما بعمرك تتغيري👇 "وزيّن لهم الشيطان أعمالهم فصدهم عن سبيل الله"💔 القرآن موجود والأحاديث موجودة ليدلوكي للصح لا تصدقيني ولا تصدقي حالك روحي فتحي القرآن وقرأي الاحاديث والك حرية الاختيار 💙 فضلا رفعوا البوست💙