الحمدلله ولدت بعد معاناه و تعب و شوفة بنتي نستني كل التعب ، طبعا هذي ثاني ولادة ليا ، الاولى كانت مفاجأه و اعطوني ابرة الفخذ من بدري ما حسيت بالدنيا بس كنت اقوم عالطلقة و انام ، هذي الولادة الثانية للاسف حسيت بكل الالم ما رضيو يعطوني ابرة فخذ لان الطلق اصلا كان بارد لما وصلت لل٦ اعطوني الابرة لكن كان مفعولها قلللييييل جدا و اعطوني الكمامه اعتبرها ضحكة لا بتخدر و لا شي صراحة بس رغم معاناة الالم الحلو لحظة الولادة كنت حاسة بكل شي حوولي و بعد ما خرجت حطوها على صدري و حسيت بالخياط من تحت لانهم عملو توسعه بنوتتي جات ٣ ونص ماشاءلله ، عكس بنتي البكر كانت ٢ ونص ، خوفوني كثيييير سويت اشعه تفصيليه كثير يقولو الجنين كبير ممكن عشان كذا اتاخرتي ما ولدتي بدري و ممكن نظطر للقيصري لكن املي بربي كبيييييير ، طبعا من يوم الثلاثاء كنت احس بطلق و رحت للدكتورة عملت تحريض و صار ينزل دم يشد الالم في الليل و يرجع يختفي الصباح و الاربعاء نفس الوضع الخميس قالتلي خلاص لازم تجي و ما تطولي اكثر و لازم نتدخل ، دخلت عليها الخميس عنق الرحم رجع صار قاسي و البنوته رجعت فوق و فاتح ٢ بس قالتلي روحي امشي على ٩ الصباح ، رحت المول اتمشيت و كان الالم والله و الشد و التحجير يزيد ، مشيت حوالي الساعتين و رجعتلها قالتلي خلاص حدخلك كان فاتح ٣ من ١٢ الظهر ل ٣ العصر الطلق بارد زي ما هوا جاني استشاري قالي لازم نفتح الموية عشان يزيد الطلق لانه ثابت ، توكلت على الله بعد تردد لاني خلاص تعبت ابغا اولد و انفك ، فكتلي الموية و بدا يزيد الالم والله و الطلقات ، سبحان الله بعد كل طلقة اخذلي غفوة من الارهاق ليييين ٦ المغرب فتح ل ٦ هنا طلبت الابرة و الكمامه ، اتاخرو علي الله يسامحهم و كانت الطلقات قوية و تزيد و بدات ادخل مرحلة الهذيان بعد الابرة ، الالم كان ما يستحمل صراحة الساعه ٧ كانت كل طلقة تجي احس اني ابغا ادفع و انادي الدكتورة تقولي لسااا الجنين مو مستعد فتح كل ربع ساعه ١ سانتي ماشاءلله ماجات ٧ الا و انا ماني قادرة صرت اصرخ اقولها بدفع و تقولي لسا خليها ٨ ونص و تولدي و اقولها ما اقدر كانت غلطتي كل ما جات الطلقة امسك نفسي من تحت و الدكتورة عشان كذا تقولي ما حينزل والله صرت ادف وقت الطلقة لين جاتني وحدة ممرضة فلبينية الله يسعدها ٧ ونص شافتني و انا اقولها بوش بوش راحت جري للدكتورة تناديها ، فجاه كل الطاقم الطبي فوق راسي و انا ادفع وقت الطلقة و هيا تقولي استني جالسه تجهز العدة الله يهديها و يسامحها بعدها خرجت بنوتتني و نسيت الالم و اللحظات المتعبه كلها الحمدلله ، طبعا شقت من تحت لان الولادة الاولى شقوني و زي ما قلت عشان حجم الجنين بس الحمدلله خيطوني غرز داخليه و خارجية ، الحمدلله الحمدلله الحمدلله ، الله يرزق كل محروم الذرية الصالحة و يرزقكم الولادة السهله ، معليش طولت عليكم لكن زي ما استفدت منكم حبيتو تستفيدو مني ، طبعا انا اخر دورة ٢٤ شهر ٧ ميلادي من دخلت التاسع و انا امشي و اعمل قرفصاء و جماع و مويا حارة و اجلس جوتها و اكلت الاناناس و الكيوي والعسل و شربت القرفة و الزنجبيل و اتدهنت بالفكس و الزيت زيتون و حبة بركة لكن سبحان الله ربي رايدلي اخذ التاسع و زيادة 😅❤