السلام عليكم الحمدلله على تمام النعمه واكتمال المنه .. الحمدلله على اوجاع نرث من بعدها اجوراً ورزقاً جميلا 💕.. الحمدلله يوم السبت الساعه 2 الفجر 21’April نورت الدنيا جميلتي جود🧚🏻‍♀️💛 بحكي لكم تجربتي مع الولاده ... يوم الاربعاء الليل جاني الم غريب ببطني معدتي وارحامي بس خفيف تروح وتجي جلست لين الصبح وراح زوجي للدوام وانا لسى صاحيه ولا قدرت انام من الالم وطبعاً لأني عندي مشاكل فالمعده من قبل فكنت خايفه تتعبني معدتي اكثر تحملت للظهر بعدين حسيت بحومة كبد احس بستفرغ وتعبت راسي صدع مانمت اتصلت على زوجي بالدوام وقلت له قالي خلاص خذي اوبر ولا كريم وتعالي المستشفى " هو يداوم هناك فمشوار انه يجي ياخذني ونرجع " المهم جيت ودخلوني طوارئ النساء كشفوا قالوا فيه طلق خفيف والرحم فاتح 2 سانتي وطلعوني غرفة الولاده من العصر لين بعد العشاء جات الدكتوره كشفت قالت لسى باقي لك والطلق وقف بندخلك تنويم واذا حسيتي بالم يشتد عليك خلي الممرضات يكشفون ويوم الجمعه الظهر جات الدكتوره قالت برضوا مافيه طلق بنعطيك تحميله طبعاً كنت حييييل خايفه منها بس الله وكيلكم ماحسيت بألمها الحمدلله حطوها ونمممممت 😂💔 الساعه 10 الليل جات كشفت الدكتوره فاتح 3 ونص وطلعوني غرفة الولاده كنت بأخذ ابرة ظهر قالوا لازم اول نعطيك مغذي ونتأكد من نبض البيبي بعدها يجي الدكتور بس للأسف نبض البيبي كان ضعيف وقال الدكتور شكلها شرقت بالمويه لازم نفكها وفكوها الساعه 12 وعلى طوووول بدت طلوق طلوق ورا بعضها قمت اصيح وابكي عند الدكتور ابغى ابرة ظهر ورفض قال هذي تنوم البيبي واحنا نبغاك تولدين بسرعه عشان مايصير لها شي عطوني كمام وقمت استغفر واشم ورده واطفي شمعه وخف الالم كثييير والله بعدها بربع ساعه كشفت فاتح 5 وطبعاً الدكتور يسمعني وانا اتألم توتر شوي قال عطوها ابرة الظهر خلاص قالت الممرضه مستحيل الرحم فاتح 7 ونبض البيبي ارتفع ورجع نزل مانقدر نغامر فيه انت تفكر في مصلحة الام وانا افكر بالبيبي وزين انها ماطاوعتنا الله يسعدها المهم والدكتور مسكين شكله متدرب مرا توتر مني وطلع وهي طلعت وراه تهديه الا انا اصارخ اناديهم حسيت بالدفع وجو كل الممرضات اللي بالقسم يركضون 😂😂 جاء الدكتور والاستشاري وبديت ادفع ادفع يمكن خمس دفعات والحمدلله طلعت بنتي نور عيني ☹️👼🏻💕💕💕💕 طبعاً زوجي كان بالبيت قبل ادخل قلت له اتصل عليه الساعه 1 قالوا لسى يبغالها لين الفجر يمكن كذا البكريات يطولون وبعدها بربع ساعه يقول نغزني قلبي ورجع اتصل قالوا تولد جاء طياااره😂🤭 والحمدلله افتكيت من الطلق الصناعي كانوا مواعديني يوم الاحد وبرضوا الشق الحمدلله ماشقوني الا شي بسيط من جوا عشان ماتنكتم البيبي وخيطوني غرزتين من جوا وقمت بعد الولاده امشي واتحرك ولا كأني توي طالعه من ولاده وسبحان الله كللل الالم نسيته ما اذكر كيف كان الطلق بس مر بسرعه احس ان ذاك اليوم حلم بس شعور جداً جميل الله يرزق كل محروم ويهون على كل حامل 💜💜💜😍 بس جد بنات وقت الطلق انتي هونيها على نفسك لا تتوترون ابد استغفري وغمضي عيونك وخذي شهيق وطلعيه من فمك وحاولي تكونين شبه جالسه احسن لك واعتذر على الاطاله ✋🏻