السلام عليكم الحمد لله ولدت اليوم الظهر وبقولكم عن قصة ولادتي قبل اسبوعين نزل عندي ماي قليل و رحت للدكتوره قالت لي الحمد لله انه قليل و الماي الباقي حوالين البيبي وايد و اذا نزل عندج ماي مره ثانيه على طول الطواري لا تتاخرين قلت لها اوكيه و خلال هالايام كان ينزل عندي ماي و انا احسبه تكرمون بول كنت اقول البيبي وايد ضاغط على المثانه كل شوي على الحمام و احس اللي ينزل اكثر عن بول و عقب يوم طفت موعدي قلت بسير اشوف شو السالفه ليش تاخرت و هنيه انصدمت ان ماشي ماي حول البيبي و على طول الدكتوره قالت لي طلق صناعي بس عقب ما شافت الرحم مفتوح ثلاثه سانتي قالت بسويلج تحريض ما راح تحتاجين طلق و عقب طلع لي الويع و كل شوي يزيد تقريبا خمس ساعات و لا احسه بيطلع و تميت اسوي بوش كذا مره تعبت و اخر شي شرف حبيبي الغالي