آخر دورة ١٧ ديسمبر الفرق بين البرنامج وحسبة الدكتوره يومين ولدت يوم الخميس على موعد الدكتورة بالضبط.٢٤ سبتمبر الأربعاء خرجت امشي السوق وكان رجولي تمسكني ألم توقعت من المشي وكمان انتقخ جسمي قبل بكم يوم رجعت البيت لقيت بطني انخفضت عرفت انه قربت ولادتي بعد ما رجعت تعشيت ونمت مع الحبيب و نمت طبيعي وانا في عز النوم كنت احس بمغص الله يكرمكم كأني عندي اسهال وأنا مكنسلة اصحى من النوم اقول مغص ومافيا اروح الحمام كان يجيني أكثر من مرة وأنا نوم طبعا الألم اسفل الظهر فقط كأني بخرج شيء وواصلت النوم لين الصباح صحيت اتحممت بمي دافيه ورحت اصلي وانا اصلي حسيت بافرازات نزلت قلت زي كل مره صفراء بعد ما صليت رحت اشوف طلع دم وقتها عرفت انها السداده وخلاص ولادتي الخميس و عرفت انه مغص الليل كان طلق مو مغص عادي. رحت راجعت عند الدكتوره قالت ٢ سم قالت إن شاء الله ولاده اليوم وانا كان ل ي اسبوعين ١ سم المهم الدكتوره قالت ارجعي البيت أمشي واشرب قرفة.... رجعت البيت جلست امشي وطلعت ونزلت الدرج وتمرنت وشربت قرفه مع بقدونس حسيت الألم خف وجاني نوم تغديت ونمت.. دكتورتي اتصلت تطمن عندها ولاده تطمن إذا في طلق قوي بتنتظر بالعيياده قلت لها لسه الطلق خف مافي داعي تنتظرني وكملت نومي حسيت بمي دافيه صحيت من النوم على طول قمت تروشت بمي ساخن وتجهز ت ورحت المستشفى على طول وصلت المغرب دخلت على غرفة الولادة قاستني الممرضة قالت ٢ نص مقرب على ٣سم وسوت تخطيط الطلق قالت خلاص ولاده والالم بدأ يزيد عندي شربت قهوه مع عسل وتمر والممرضة تقولي خلاص مافي شرب بعدين تستفرغي وفعلاً من شدة الالم استفرغت وصارت تخاصم هههه. المهم سوت لي ابرة ماعرفت حق ايش بعدها شد علي الاوجاع الطلق كله على اسفل الظهر فقط دكتورتي سحبت علي ووكلت دكتوره ثانيه طبعا متابعني عن طريق الممرضات وشكلهم يقولوا لها لسه مطولين والممرضة تقيس واسألها كم تقولي لسه مارضت تحكي كم بالضبط شكلها ما تتابع الدكتوره اول بأول لانه الدكتوره حكت لأهلي لسه يمكن عالفجر اولد... و في وحده بتولد جوا الغرفة وانا بدأ الألم يصير اقوى ومافي وقت راحة هي تصرخ وا نا اصرخ وراها هههه. الكادر الطبي كله عندها عشان ولدت وسابوني اطلق لحالي ولاعد أهتموا فيني او جت تقيس او تشوف بلشت هي ولدت وانا بلشت اولد وراها وانا لسه بالغرفة الخارجيه مو بغرفة الولادة وفي وحدة جنبي مسوين لها طلق صناعي ينتظروا تبدأ عندها الآلام جت عندي شافتني خلاص عالنهاية صارت تناديهم وتهدي فيني ما انساها لها جت الممرضة تقيس تقول ٩ سم واتصلت اللي جنبي على دكتورتها لأنها هي اللي بتولدني انأ صرت ادف وماعد قدرت استحمل على طول اخذوني الممرضات على ا لغرفة وتقولي مافي دف مدام لازم دكتورة وانا خلاص ماقدرت صرت ادف صاروا يساعدوني بدون ما ينتظروا الدكتوره وولدت الحمدلله الساعه ١٠ و١٥ دقيقه الدكتوره جت على طول وصلت قطعت الحبل وصارت تعتذر تقولي معليش على بالي مطولة للفجر والحمدلله انتهت رحلة وهن على وهن وجبت احلى بنوته وخرجوني الغرفة الثانية واللي كانت تساعدني بدأ الطلق الصناعي يفتح معاها وخرجت وهي ٩ سم والحمدلله هذي حكايتي مع الولادة والله يسهل لكل حامل