السلام عليكم ورحمة الله وبركاته . حابه اتكلم شوي عن الرضاعه الطبيعيه بحكم خبرتي لان صار عندي ٣ اولاد ماشاء الله وطفلي الاخير مازلت ارضعه سنه وشهر الحمد لله . كثير امهات اسمع منهم (مافيني حليب . حليبي قليل . الطفل مايشبع . الطفل مايمسك بالحلمه .الاخر ....) . للي حابه تستفيد من خبرتي اعطيكي بعض النصايح ارجووووووكي طبقيها بشكل صحيح باذن الله راح تم الرضاعه بشكل ممتاز وحليب مشبع للطفل باذن الله . اول يوم ولاده :- *اول مايطلع الطفل ويوضع على صدرج على طول ابدي بالرضاعه لان طفل يكون جوعان كثير بعد تعب الولاده استمري بالرضاعه كل نص ساعه حتى لو البيبي ماطلب هذا الشي لان اول يوم تنزل الماده الصفراء هذي لها فوايد للطفل لاتعد ولا تحصى وتطلع بكميات قليله جدا اول يوم (تعب اول كم يوم فقط بعدها ترتاحي) . ثاني يوم :- راح تبدا ماده صفراء تقل وتحسي الطفل يمص بلا جدوى مافي حليب ابد يادوب قطرات تبدا الام بالاحباط 》》》 لالالا هذي بدايه لاتخافين كل ام يصير معها نفس شي ... استمري كل نص ساعه ابدي بالرضاعه لاتقولي صدري ناشف مافي حليب استمرررررري وحذااااااااري تعطي حليب صناعي بحجة البكاء او عدم الشبع لاتستسلمي كل مايبكي عطي صدرك لو مافي حليب . يا بنات في هذي الفتره لازم اقل شي لتر ماء فليوم الماء هو الي يجيب الحليب يابنات والله عن تجربه قبل كل رضعه عبوة ماء جربوها وادعولي مافي غير الماء يزيد ويدر الحليب اما اكلات الدسمه والاعشاب كلها خرابيط ولاتجب حليب . المهم نرجع لموضوعنا . اليوم الثالث والرابع :- نفس الحاله استمري ولا تستسلمي ابدا عليكي بشرب الماء والرضاعه كل نص ساااااااعه كل ما يمص الطفل كل ما جاه حليب اكثر لان سبحان الله مع المص هرمون الحليب يشتغل وينتج حليب اكثر . طبعن حسب نوع جسم الام في امهات ياخذ معهم ٣ ايام والبعض تاخذ اسبوع على هل حال انا ولله الحمد ٣ ايام اتعب فيهم مع بكاء الطفل والحليب القليل بس مع الاصرار رابع يوم يفتح ماشاء الله ولا في مشاكل . اهمممم شي لا تخلطي حليب صناعي ابدااااا لان بمجرد ادخال حليب الصناعي راح ينشق صدرك ماعاد يطلع حليب ابد لان مثل ماقلت لك الحليب يطلع مع المص واذا مافي مص الحليب يوقف . ركزي على رضاعه بالليل لان هرمون الحليب يشتغل بالليل اكثر من النهار يعني باختصار حصادك بالليل يثمر بالنهار .. كيف 》كل مارضعتي بالليل اكثر راح تلاحظي زياده بالحليب في النهار وكل مارضعتي اقل بالليل قل الحليب بالنهار . اتمنى ما كثرت بالكلام واستفدتو اي استفسار حبيباتي لاتترددو عندي معلومات كثيره ان شاء الله اشوف التفاعل وانزلها