Le bouchon muqueux لي معظم الحوامل تغيبلهم فيه 📣📣 تعريفها كيما اسمها هي سداده مكونه من المخاط تجي في الحمل ، تقفل عنق الرحم ( الكول ) و الخدمه تاعها تحمي الرحم من البكتيريا و الميكروب المسبب للالتهابات لي تدخل عبر الجنس ولا الفحص المهبلي le toucher vaginal مثلا ..الخ قد تكون شفافة، بيضاء، خضراء،( نادرا ما ) مائلة للزهري أو بنية( في أغلب الأحيان ) (تشبه للمخاط الذي يخرج من الانف أو الحنجرة ) و طولها حوالي 4 إلى 5 سم كي تهبط مره وحده و كاين لي تهبطلهم بالدفعات👌 و بمجرد هبوط راس الجنين في اسفل الحوض ،و يبدا عنق الرحم بالليونه و النضج تبدا تهبط prcq ماتوليش في بلاصتها . و نزول السداده يعني اقتراب موعد الولاده ( مي ماش يعني في نفس اليوم ) ممكن بعد ساعات ممكن بعد أسابيع حسب إشارات الاستعداد للمخاض ، هي فقط مؤشر مبكر لحلول موعد المخاض ، و كي تنزل السداده ماش معناها تروحي للسبيطار الا في حاله نزول دم بكميه كبيرره ، ولا وجاع منتظم ، ولا السقيه تسيل و كاين لي مايلاحظوهاش لانها تهبط مع الإفرازات ، كاين لي تهبط مع التوشي ، و كاين لي فوق طابله الولاده .. نتمنى فهمتوها مليح الصور في التعليقات 😘😘😘😘 كل وحده تحكيلنا تجربتها مع البوشون و وقتاه هبطت عليها