منقول للافادة⁦❤️⁩🙈⭐ تجهيز شنطه الولاده 💖💖 بصي يا ستي شنطة الولادة المفروض يكون فيها الحاجات دي: ✅ بالنسبه ليكي هتاخدي ١- بيجاما بأستك واسع او جلابيه أفضل وتكون فيها امكانية انك ترضعي وانتي لابساها عشان تلبسيها بعد الولادة و روب وطرحة لو محجبة ٢- طقم للخروج من المستشفي ٣- غيارات داخلي كتير ٤- فوط صحية للنفاس (ريلاكس او دراي بوست) ٥- شبشب و ليفة و بونية لشعرك و الشاور جل بتاعك و صابونة و مشط و فرشاة ومعجون وفرشاة اسنان ٦- بشكير او برنس ٧- ساتر رضاعة ٨- موبايلك والشاحن بتاعه دول طبعا مايتنسوش أمال هتابعي الصفحة أزاي في المستشفي 😉 ٩- كاتل ولبان سمارة وباكتات ينسون و نعناع ☕ ١٠- فلوس فكة 💵 عشرينات او عشرات لو هتوزعي علي العمال او التمريض ١١- كاميرا 📷 لو هتصوري البيبي اول مايتولد بس من غير فلاش ١٢- البطاقة بتاعتك انتي وجوزك لو مكتوب فيها أنكم متزوجين..او القسيمة لو مش مجددين البطاقة ١٣- التحاليل بتاعتك ✅ بالنسبة للبيبى هتاخديله ١- شامبو للاطفال اي نوع بتفضليه ٢- حفاض للاطفال اللي هو مخصص للسره انه ميغطيهاش ٣- بيبي اويل او بيبي لوشن ويفضل زيت الزيتون كبديل ٤- لفة قطن (كوفرته) ٥- بطانيه في الشتاء فقط ٦- لبس صيفي او شتوي حسب الوقت اللي هيتولد فيه لو: في الصيف (فانله كت -وطقم قطن نص كم بكباسين او بنطلون ) لو في الشتاء (فانله كت -فانله نص كم - فانله او سلوبيت بكم -بنطلون- طقم شتوي قطيفة او ميلتون حسب المتاح) و الاحسن تجيبى ٢ من كل حاجة ٧- شنطة البيبي اللي بينام فيها لتسهيل حمله ومنعا لاحراج احد من شيلته او انه يبوسه في الاول 😉 ٨- مشط صغير او فرشاه ناعمة لشعر البيبي ٩- باڤته عشان القشط وميوسخش الهدوم ١٠- تيتينه وببرونة لان ممكن الطفل ميرضعش اول يوم ونضطر نديله لبن صناعي ١١- روشتة بعد الولادة للطفل بيكون فيها: (قطرة مطهرة للعين - سبراي كحول للسرة - كريم للتسلخات للحفاض حسب الامكانيات ) ممنوع الوايبس عشان بيسبب التهابات للاطفال في منطقة الحفاض ١٢- لو بنوته خدي معاكي حلق طبي تحذير : بلاش نحط زيت جونسون ع شعر الطفل لانه بيعمل قشرة بتراكمه ونحط زيت زيتون افضل وممنوع برفان للبيبي عشان بيعمل للبيبهات حساسية في الصدر متهيألي كده مسيبتلكيش فتفوتة تنسي تجيبها 😄 أعملي الصح👌🏻😀